سفر

اسطنبول .. بين سندان المبالغة ومطرقة الوهقة

اليوم بسولف لكم عن سفر العيد اللي اخترنا مدينة اسطنبول واخترناها لأسباب كثيره:

أولاً : لأن الديره الدخول لها من غير فيزا.
ثانيا: لأنها المسافه لها أقرب من مدن كثيره أوروبية.
ثالثاً: لأن جوها بارد في هالفتره من السنه.
رابعا: لأنها ديره فيها تاريخ وآثار ومتاحف ومناطق سياحية كثير.
خامسا: لأن الطبيعة فيها حلوه.
سادسا: لأن الناس كل من رجع من اسطنبول قال ياسلام ياحلوها .. بلد تجنن.

المهم إننا من غير راينا توجهنا لأسطنبول عبر خطوط الإماراتية اللي مره عجبتني ومره متحسن مستوها.
وسكننا في فندق مره حلو والمنطقه اللي هو فيها حلوه ويصنف تحت تصنيف الفنادق البوتيك اسمه ذي هاوس هوتيل

نجي للمهم وهي مدينة اسطنبول نفسها:

من اول ما وصلنا اسطنبول .. تفاجأت بريحة الصننان اللي فيها .. الناس معظمها مصنه هناك .. يعني ممكن تنعمى عينك من ريحة شخص يمر جنبك!
زائد أنو المشاوير بين المناطق اللي نمر فيها .. بعضها يكون مثل  أماكن أشبه بالعشوائيات !
التكاسيات هناك ما تنركب أبدا .. يعني لحد يفكر يستخدمها .. من كثر ماهم نصابين ولوتيه .. يعني لازم سيارة وسواق مثل سستم بيروت بالضبط.
ومش راح أتكلم عن سعة صدرهم .. لأن هذي الكلمة مش موجوده في قاموسهم .. الجماعة مره نفسهم شينه وخلقهم ضيّق مره .. ومره عصبيين وحمقيين.
أنا مره مستغربه الناس كيف كل من رجع يقول اسطنبول واسطنبول واسطنبول .. قلت وش بشوف؟  أكيد بشرف جنة الله في الأرض ..

البلد عبارة عن خليط بين بيروت والقاهرة والبلد ممكن نصنفها أعلى مدينة على مستوى العالم العربي بعد دبي
ولكنها أقل من أي مدينة من المدن الأوروبية السياحية

أنا عارفه إنها تغيرت من حال إلى حال في عشر سنوات لأن فيه ناس زاروها في الثمانينات والتسيعينيات قالو مافيها شي وإنها طبيعة بس وبدون خدمات، والآن تغيرت للأحسن  وهي في رأي حلوه الآن ولكن مش بالمبالغة اللي بالغوا فيها الناس في وصفها ..

يعني بإختصار أنا رحت لها مره بس ما أتوقع إني ممكن أكرر الزيارة.
يعني تندرج تحت بند .. رحت لها مره وما اثنيها ..

بس الحمد لله رغم كل شي إلا إني مره إنبسطت في الرحلة لأن الصحبة كانت حلوه.

مقالات ذات صلة

6 تعليقات

  1. يؤ لهالدرجة 🙂
    طيب يمكن الأماكن اللي زرتوها ما كانت كويسة؟
    أنا ما رحت لها إلى الآن, أخوي راح العيد الماضي ومدحها ومدح طبيعتها كثير كانت السفرة وفق تخطيط سياحي معين. هي عدة مناطق حسب قوله واللي جهة الشمال عند الحدود أظن هي الكويسة ولا؟

  2. حنا إنكبنا إننا زرنا منطقة السلطان أحمد في الويد إند .. الزحمة كانت لا تطااااااااق .. ومنطقة البسفور موووووت من الإكتظاظ
    بس البلد حلوه .. الطبيعة حلوه .. المطاعم في منطقة نيشانتشي روعه والمنطقة نفسها رائعة.. الناس فيها أي كلام .. يعني التعاطي معهم صعب شوية ,, أتوقع إنها بلد تحتاج أنو تحت يدينك سيارة 24 ساعة ومعاك زلم ابظايات بودي جارد يعني 🙂
    كمان سالفة أنو العشوائيات في كل مكان حتى في طريق المطار .. يعني المدح اللي مدحوه توقعت إني بروح سويسرا .. بس ما صارت مثل سويسرا وهي البلد اللي أنا أعشقها مره وأعشق طبيعتها.
    محسوبتك تحب الأماكن اللي طبيعتها جبلية.

  3. من ناحية السيارة صح صادقة ذكر لي إنها جداً مهمه كانوا يركبون الباصات من الإستغلال اللي حاصل.
    وين هلا سويسرا لا تقارنين ههههه تركيا يبي لهم تنظيم أكثر…
    لكن الحمدلله أهم شيء انبسطتي يختي وغيرتي جو واكتشفتي دولة جديدة وعلامة صح على الدولة هذي زرتيها خلاص, اللي بعدووو 🙂

  4. أنا أرفض هذا الموضوع جملة و تفصيلاً يا هلا !!!!

    أول شي الحمد لله على السلامة ..ههههههه معليش ششت شوي نسيت أتحمد لك بالسلامة
    ثاني شي أما يا هلا تروحين اسطنبول 5 أيام وما تتعدين غراند بازار والبازار المصري و سوق البهارات و تقولين وش هالريحة ووش هالمدري ايه !!!! أكيد حبيبتي بيجيك خياس !

    يعني تخيلي مثلاً إني أسمع عن دبي و دبي و دبي .. ولين كتب الله لي الروحة رحت و نصيت سوق نايف!!!! و إلا سيتي سينتر وإلا لامسي بلازا !!!! وإلا سوق الذهب !!!! و قعدت ذا الخمس أيام وأنا أشطب وش هالخياس وش هالكاري وش هالخرابيط…

    يا أمي ما قلنا لا تزورين البازارات بالعكس مرة حلوة و تجربة ممتعة بس مرة وحدة مو كل السفرة !!! روحي المطاعم الزينة والمجمعات اللي تفتح النفس .. روحي مطعم زوما أسأل الله الجنة.. روحي مطاعم استنيا بارك اللي قعداتها برا .. روحي حي بيبيك .. شوفي الدنيا شوفي الناس .. روحي الأماكن الحلوة اللي عالبوسفور .. ولوووووووو يا هلا يا عيب الشوم !! ههههههه معليه قلبت مسلسل تركي مع طاري البوسفور

    ثالث شي وهو الأهم إنه باب النجار مخلّع يعني موقع جست سيليكتف ما شاء الله ملياااااااان أشياء تعور القلب من زينها في اسطنبول !! ليه ما دورتي و رحتي .. هذا غير إني حذرتك من قبل لا تروحين بشهر من سالفة التكاسي قلت لك لا تحسبينهم زي لندن وإلا دبي ( مير لندن يا كافي السواويق لوردات من كثر ما هم محترمين ههههه عسى ما أركب يوم ألاقي هاري هو اللي يسوق) المهم نرجع لسالفة تكاسي اسطنبول قلت لك ما يصلحون لازم سيارة وسواق و لازم إنه يتكلم انجليزي أو حتى عربي.

    عشان كذا أنا أرفض و سلامتكم !

    1. لا يالمى .. شوي شوي على ههههههههه .. تدرين اللي صار لي بسبب اللي ما يسمع كلام ماما 🙂 .. والله إنك صادقه لو سمعت كلامك كان تجنبت ويلات ما كان المفروض إني أخوض فيها 🙂 بس عاد قدر الله علينا وياحيل الله .. وش بنسوي!

      خلاص لا يضيق صدرك بروحها مره ثانيه إن شاء الله على رواق وبشوف كان بغير رايي أو لا.