سفر

الموضة .. اسطنبول .. وبيروت تجنن !

بين كل فترة وفترة الناس تطيح بموضة جديدة أو مثل ما يقولون أخواننا الكويتيين هبّة جديدة سواء بالملابس أوبالأواني المنزلية أو الديكورات .. الحين الموضة تركيا وخصوصا اسطنبول وبجدارة .. يعني الناس صارت تكرر زيارتها لاسطنبول وكل هذا من بعد عرض مسلسل سنوات الضياع عام 2008 على قناة MBC1 وكرت السبحة بإكتساح الدراما التركية لكل القنوات الفضائية.

من أول الناس ما كانت تعد اسطنبول على الخريطة ولا كانت تندرج تحت أي مخطط يعني ساقطة من كل الحسابات .. بس تركيا اللي راحوها من زمان قالوا إنها كانت ولا شي مافيه شي يغري إن الناس تروح لها ولكن الحين صار فيها خدمات أكثر وأمور كثيرة تجذب السياحة لها ..

والحين كمان مسلسل “حريم السلطان” أعاد العصر الذهبي في الأذهان يعني خلوا الناس تعيش حلم مش واقع!

أنا من الناس اللي زرت اسطنبول قبل كم شهر الديره حلوه ولكن وحطوا كم خط تحت كلمة لكن .. لين الحين أحس إنها مش من المدن اللي تنعاد لها الزيارة وبتكرار .. المدينة لها بصمة خاصه وفيها سحر وجمال ولكن أو يمكن لأن لين الحين ثقافة السياحة والتعامل مع السيّاح بودية مش موجودة عندهم ! أما إذا كنت أبغى أتاجر وأجيب بضاعة .. فلازم يتم التكرار لأن البضاعة عندهم مميزة وأسواقهم فيها كل شي والأسعار روعه.

لأن لو على الآثار والمتاحف أهي تنزار مره وحده وكفاية .. يعني فيه اشياء تخلي الناس تكرر الزيارة غير المتاحف مثل البحر والأماكن الترفيهية.

وطبعا لأن الناس لين رجعت من اسطنبول يقعدون يحكون اسطنبول واسطنبول واسطنبول .. فيجيني احساس أنو أكيد أنا أغرد خارج السرب لأن أوكي اسطنبول بس مش اسطنبول واسطنبول واسطنبول !!!

ولو على الجمال كل الدول الأوروبية سواء الغربية منها أو الشرقية تشترك في جغرافيها وحده وكلهم فيهم جماليات رب العالمين أبدع في خلها من جبال وسهول وخضرة وبحر وشواطئ زائد أنو كمان التنظيم وخصوصا في الدول الأوروبية الغربية ما حصل.

بس الغريب صدق الحاصل في بيروت أوكي بيروت حلوه وماقلنا شي بس لو راودتك نفسك و قلت للناس أنو ما عجبتني بيروت اعتقد إنهم بيحسبونك معاق فكريا أو إنك شخص غير طبيعي .. عشان كذا أي إنسان يروح بيروت ومن غير رايه لين رجع وقالوا له :”ها ! وش رايك مو حلوه بيروت”؟  يرد على طول : “تجنن” !!!

مقالات ذات صلة

8 تعليقات

  1. انا ما احب بيروت ابدا وتجيب لي الكآبه … ولكن اسطنبول فالشتاء رائعه وودي اكرر زيارتي لها مره ثانيه بس فعلا من ناحية تعامل فهم دفشين خصوصا التاكسي اسوأ من السوء

    1. أنا كمان عجبتني اسطنبول بس .. اللي انا فكرانه فيه لغة التهويل في الإعجاب .. يعني اسطنبول تعتبر من أقل الدول الأوروبية الغربية يعني لوتجي المفاضلة بينها وبين مدن مثل باريس ولندن أكيد بترجح الكفة لباريس ولندن للخدمات اللي فيهم أنا هذا اللي أحكيه…
      أما بيروت عاد هذي قضية ما يتحملها ملف .. برضوا ما أنكر إنها تعجبني بس مشش بالشكل المبالغ فيه في الوصف من قبل البعض اللي المسالة عندهم أصبحت مسألة عشق و هيام .. يووووه ليه جبت طاري هيام .. ياهي بعد غثتني ذا الحرمه هههههههههههه

  2. loooooool هلا فقدتهم استاثمو فينا تدرين شفت حلقه من الجزْ الثاني بالتركي حاولت افهم بس ماااااش

  3. بيروت حلوه حق اللي يحبون السهر بليل بـ مطاعم و كافيهات السوليدير
    و الصبح طلعات اسواق بس بيروت حدها 4 او 5 ايام مو اكثر

    بس اسطنبول جميله
    احنا صارلنا 3 سنوات على التوالي نروح لها من 2009 الى 2011
    و احتمال هالسنه بعد و تقريبا كل مره نروح اخر يناير اول فبراير
    الجو جميل بررررد
    صحيح كل مره نكرر الاماكن بس عادي عندنا
    يعني مثلا كل سنه نروح السوق المسقف و السوق المصري و منطقه ايوب و المولات
    بس ما نمل منهم و كل سنه نضيف اماكن جديده اول مره نروحله
    مثل المتاحف و القصور او مول او مطعم 😉
    بس
    نصيحه لا تروحون لها بالصيف بتكرهونها من الحر و الغش و الكذب
    روحوا لها بين شهر 11 الى شهر 5
    الشتاء و الربيع
    و يقولون شهر 4 و 5 عجيبه يكون ربيع و الشوارع كلها ورد توليب ماشاء الله الوانهم و اشكالهم خياليه

    1. هلا بك نزهاويه .. تدرين أنا ما عندي مشكله في بيروت ولا في اسطنبول وأشوف إنها مدن جميلة

      ولكن اللي مستغربته هو تهويل بعض الناس في الشي لمى يرجعون ويقعدون يشاهقون من كثر ماهي زينه

      وأنا يمكن لأن اسطنبول رحت لها في عيد الفطر يعني كنه صيف فعشان كذا كان فيها فك وفيك على قولتهم.. ان شاء الله نجربها في الربيع ونشوف..

      أما بيروت ما أظن في الوقت الحالي ممكن أفكر فيها لأن الأوضاع حولها ما تطمن .. لين إنصلح الحال يصير ليش لاااا .

  4. اعرف موضوعكم قديم ،،،،بخصوص اسطنبول انا عمرى :٣٨ وعندى خبره ،،،، اسطنبول لا تستحق الزياره مره اخرى فقط ؟! ولكن تستحق الاقامه فيها طول العمر ،،حتى يودونى القبر ،،، شنو تحكوا ،،، اوربا معفنه بس ملل بلا روح بيروت صغيره ،،،،، ا

    1. سبحان الله الناس أذواق .. ما أتخيل نفسي ساكنه في اسطنبول !!

      يمكن أنت ما تلمس الجمال اللي كثير ناس يشوفوه في أوروبا عشان كذا تقول عليها معفنه .. بس هذا رايك وهذي عيونك !

      بيروت .. لا تعليق ..