تقنية

التصاميم .. التصاميم .. الحين كلهم عرفوا اللعبة اللي لعبتها أبل !

كل الشركات المنافسة عرفوا لعبة “أبل” وعرفوا إن الناس جزء كبير من قرارهم في شراء منتج أو تصفح موقع هو التصميم .. يعني لازم يكون التصميم جذاب عشان يلفت نظر الناس .. وهذا هو الوتر اللي إشتغلت عليه أبل طول الفترة الماضية .. وكانت تركز على إن أنحف وأخف ونوعية المواد اللي مصنوع منها المنتج و و و …

وبدأت من تالي كل الشركات تلعب نفس اللعبة إنها تعطي التصميم أولوية .. طبعاً هذا الشي ناتج لأن الناس مالها إلا الظاهر ولا يهمها إلا المظاهر .. فهم لعبوا على عقد النقص اللي في الأوادم .. أعوذ بالله مير ما صارت عقد نقص إلا صار “دود(ن) ياكلك” !

نجي لشركة مايكروسوفت اللي الحين انتبهت لنفسها ورجعت أعادت ترتيب أولوياتها .. ولو تنتبهون عملوا تغيير لشعارهم وتغيير لكثير من تصاميم مواقعهم وغيروا اسم متجر تطبيقاتهم .. وآخر شي منزلين الحين لوحات مفاتيح للكمبويترات وفارات متوافقة مع نظام ويندوز 8 و بتصاميم بسيطة وإنسيابة وجداً جذابة !!

شوفوها وأحكموا :

مقالات ذات صلة

2 تعليقات

  1. أعتقد أن آبل تتخذ مبدأ البساطة في التصميم .. وهذي أحد أهم أسباب التسويق
    بساطة بشكل غير معقول بحيث تشوفين الجهاز تقولين وش فيه هالعلبه السخيفه مثل التايم كابسول او الماك ميني لكن بالمقابل في هذه العلبه البسيطه عالم من الترفيه
    استخدم ماجيك ماوس لآبل حقيقة الماوس تصميمة جدا جدا بسيط لكن ادائه فظيع ويشعرني أنه أكثر من مجرد ماوس..
    هنا السر ..
    ناهيك عن الجودة والعمر الافتراضي للاجهزه اللي اظن انها رجعتنا للجودة القديمة للالكترونيات ولو انها مرات تخنبق

    كامل احترامي وتقديري لهذه المدونة الرائعة

    1. صادق البساطة مهمة وأهم شي إنهم كمان من البساطه يبيعون الآي باد من غير ماتالوج مثل باقي الأجهزة من بساطته والصغير قبل الكبير يقدر يستخدمه ..

      بس خلاص الإنفراد اللي كانت تنفرد فيه أبل أطن إن المنافسين وصلوا لهم بسهولة سبب إنشغالهم عن الغبتكار في رفع القضايا على المنافسين ..!