تقنية

مع الأجهزة الذكية .. مافي خصوصية

على طاري الخصوصية .. طول عمرنا نسمع عن إننا مجتمعنا السعودي ذو خصوصية .. وزادت الحالة عند البعض إنه يبون يصيرون شي خاص فـ جتنا موضة كل شي مميز .. يعني لوحة سيارة أو رقم تلفون أو أو أو .. المهم إننا .. إبتلشنا في هالخصوصية اللي مدري على وين يتودينا !

ومع الأجهزة الذكية الخصوصية تقدرون تقولون عليها باي باي .. وطبعا من قبلها مواقع التواصل الإجتماعي مثل فيسبوك وتويتر .. إلخ

قبل فتره إكتشفوا أنو تطبيق باث طلع يخزن بيانات قائمة إتصال المستخدم بدون علمه، طبعا شبوا عليهم الناس واعتذر رئيس الشركة ووعد بمسح كل البيانات من سيرفراتهم ،، واليوم الطامة الكبرى تويتر اللي كل الناس سجلوا فيه تم إكتشاف إن تطبيقهم على الأجهزة الذكية يقوم بحفظ قائمة الإتصال للمستخدم لمدة 18 شهر في سيرفراتهم من غير ما يعلمون المستخدم .. لعبوا بنا لعب ..

يعني اقدر أقول الحين أنو ماتوا اللي يلعبون على وتر الخصوصية وحنا في عام 2012 وسوالفنا كلها مخزّنه عند ذا الجنبا 🙂

مقالات ذات صلة

8 تعليقات

  1. حسبي الله على الظالم … أنا اللي قاهرنيييييي إنك إنتي اللي نشبتي في حلقي أنزله على جهازي يوم غيرته!!!
    عز اللــــــــــــــــــــــــــــــــــه لعبوا بنا لعب .. وش هاللي احنا فيه ياربيه شوي و يخزنون هواجيسنا و أحلامنا تالي الليل … قولي عدال يالرؤيا ,ش يبون في هواجيسك !!! … طول عمرك مضغثة وحالتك حالة هههههههه

  2. هوووووووووو يالمى .. الحين حطيتيها براسي .. هذا بدال ما تقولين كثر الله خيرك اللي خليتك تلامسين يد الحضارة .. مير ليتني مخليتك في كهفك معششه .. و تعشقين ساعتك باليد هههههههه

    صدق ناس ما تقدر النعمه ههههههههههههههههههههههههههههههههه

    يأم رؤيا ههههههههههههههههه

  3. وش ألامس يد الحضارة وانا طايحة في القليب على قول طاش ما طاش هههههههههه … الجماعة ماخذين كل الكونتاكتس حقت العالم !! وبعدين وش فيها الساعات اللي تتعشق ؟ والله يا ساعة جدتي الله يرفع عنها خراش تخقق كانت كل يوم “تعشيها” قبل لا تنام ولين رنت قبل الفجر ارتج البيت يالله من فضلك … وش حصلنا من ساعات هاليومين فيها سنوز و كل شوي أطفيها و نتاخر على الفجر و نتأخر على الدوام ومغير نغطغط!

    هههههههههههههههههههههههههههههههههههههههههههههه إيه نعم رؤيا و بتشوفين والأيام بتثبت لك يا بنت بن جريد !! صه بس.

  4. اقول لمى لا يكثر بس .. إنتي حتحكيلي تاريخ حياتك على قولة أ. عبلة زوجة أحمد عز يوم ردحت لعمرو أديب في برنامجه القاهرة اليوم .. ما شاء الله عليها حرمه وقوت رجالين وفي برنامجهم هههههههه

    و علمن ياصلك ويتعداك .. إيه لامستي يد الحضاره وأقولها بفم مليان .. وإلا إنتي من أول على ماسنجر الـ MSN

    تقدرين تنكرين 🙂

    هههههههههههههههههههههههههههههههههههههه

    قولي آمين الله يوسع صدرك بالعافية .. أجل طايحه في القليب هههههههههههه

  5. بجملة حسبي الله ونعم الوكيل ابتدي؛( وما اقوول الا ” ماوكيل الا ربنا “على قولة فاتن حمامه ؛) ،،،، أنا اقدر اقول ان هذا جنان 🙁 !!!!!!!
    ودي اقول لهل الجنبا على قولتك !!!! ترى من بغاه كله خلاه كله !! هههههه ان شاء مثلي يكون في المكان الصحيح !! هههههههههههههه
    ياخف دمكم وانتم متناطحين ههههههههههههههههههه ، نطح ينطح نطحا هههههه
    شكلك ياخت هلا جايزتلك مرت احمد عز ؟!!!!!!! هههههه اللي سوته مهب نطحة هذا صاروخ عابر للقارات ههههههههه
    اي يد حضارة يامعودة ؟!!! والله لو انك انتي مخترعة البرنامج ؛) هههههههههههههه هذا ضحك الروعة لانك شكلك بتسوين حظر علي ؛)

    المهم الحمدلله ان تويتر(لانيب يمه ولا هوب يمي) ههههههههه كن ذي اسم اغنية لرقص سامري ؛)!!!!
    ياعيني ياعيني يا لمى على الساعة الخراش اللي تتعشى @@ والله ان ذيك الايام كانت ايام جميلة
    جميلاااااااااااااااااااااااااااااااااااااااااااا ههههههه

    على فكرة ياخت هلا !!! كلمة خصوصية بالذات لازم تحطينها بصوت وصورة !! لان رنة كلمة خصوصية حين سماعها في الأذن شي ماحصلش هههههه ومثلك خابر ؛)  

    1. لا لا لا يا شاها .. لا والف لا وكل الرفض لما قلتيه جملة وتفصيلااااااا

      مير إنتي لم التويتر بس هو اللي مش لمك ولا جاب خبرك هههههههه

      امحق خصوصية مير الحين صرنا في الحوش مهنا خصوصيه ابد مع هالنت حسبي الله على قليلين مخافة الله .. 🙂