تقنية

الوليد بن طلال قام بشراء حصة مهمة في تويتر

اليوم اعلن موقع العربية حسب مصادره إن الملياردير السعودي الأمير الوليد بن طلال قام بشراء حصة استراتيجية في شبكة تويتر بقيمة 300 مليون دولار أي ما يعادل 1.125 مليار ريال

وأصلن كانت فيه اشعات من فترة إن السعودية بتشتري تويتر وهذا هي اشترت حصة استراتيجية في الموقع.
والأمير يقول أنو الصفقة هي هدية 2012 لكل مواطن عربي.
مع أنو الوليد بن طلال كان ما يستثمر في شركات الإنترنت ومواقع الإنترنت بعد موقع ارابيا اللي فشل في إنه يحقق اي نتيجة واغلق بس الحين رجع بتويتر.
واللي نعرفه عن تويتر إنها خدمة تدوين مصغر تسمح لأعضاء الموقع بإرسال تحديثات عن حالتهم بحد أقصى 140 حرف للرسالة.
وبما يقارب 250 مليون تحديث يوميا وأكثر من 100 مليون مستخدم نشط، يجد المستخدمين ما يستهويهم في أي مكان في العالم.
ويمكن الوصول إلى تويتر واستخدامه على شبكة الإنترنت والهواتف الذكية.

مقالات ذات صلة

3 تعليقات

  1. ياذا الوليد اللي داخلن بكلش .. خرب علي الصفقه اللي كنت ناوي اقوم بها 🙁
    الحين شدني شي بالصورة اللي فوق وقام المرقوق اللي توني ماكله يحوس ببطني يبي يعرف بعد هو وش السالفه !!!
    الزبايل اللي جنب الوليد مذهبه ؟؟؟
    يختي ماقول الا ماشاء الله عليه بس والله يرزقنا مما رزقه لي اسبوع وانا اهوجس بس بدبي ودي اروح لها وشايلن هم الروحه اخاف اضيع فيذاك يبي لي مرشد سياحي 😛
    ولا رحمت الا حريمته المسكينه جتها انواع التعليقات والطقطقه على قولتها بالتويتر خخخخ
    يالله لعل وعسى نشوف بالتويتر شي يفيد المستخدم العربي بعد هالصفقه ولو ان نسبة 3% مستحيل تدير حتى لو عمال الشركه فما بالك بتغيير قد يفيد المستخدم العربي عشان يقول هدية للشعب العربي .. مبروك للمستثمرين وبروح اشوف بكم سهم الشركة بضارب فيه 😀

  2. مير ياهلا كن موقعتس هذا عرفني من دخلت .. وشلون وانا ماسجلت ولا شي ..
    خدمه جميلة جدددن هلا والله يعطيتس العافيه تخليني كذا اتحمس وادخل بكل موضوع بدل ماكنت ادخل الاسم والايميل .. وين الوليد يشوف الاشياء اللي تسوينها تخدم زوار موقعتس كود يزبط لنا بالتويتر تسهيلات مثل تسذا 😀 شكرا هلا جزيلا

  3. الصوره ملوكيه صح هههههههه
    الذهبي كسر عيونها 🙂
    مالي في الطيب نصيب لو درى كان استثمر عندنا بس الله لنا 🙂
    هو يتذكر البيانات لو تبي تغيرها تحذف الكويكيز بس يعني يعتمر على الكوكيز.