تقنية

موبايلي .. وشلون أجازت هذا الإعلان

شفت اليوم دعاية إعلانية لشركة “موبايلي” وهي شركة إتحاد إتصالات المشغل الثاني للإتصالات في السعودية و الدعاية كانت لخدمة واي فاي في التجوال الدولي

بالله عليهم وش هالحكي اللي ما غسل وجهه .. يعني إيش يربط نفسه عشان الواي فاي .. مكلف على عمره ومسافر ويحبس نفسه في الفندق عشان الواي فاي ..

كان زبن في غرفته في بيته في الرياض كان هذي علومه، بصراحة ما توفقوا في هذي الدعاية لان : “حدث العاقل بما لا يليق فإن صدقك فلا عقل له”

على قد ما كانت دعايات موبايلي رائعة في باقة حلا وخصوصا حلا اليمن كانت تجنن .. على قد ما هذي الدعاية مو في الفورمه أبد .. يعني مدري كيف أجازوها للعرض

مقالات ذات صلة

5 تعليقات

  1. مع إني أحب شركة موبايلي و أحس إنها شركة محترمة جداً ..
    لكن مع الأسف دايماً دعاياتهم مو أبد دايتد .. يعني أسلوب الدعاية و مفهومها وطريقة طرح الإعلان تحسينه في السبعينات او الثمانينات !!

    يعني إيش يقعد في الاوتيل ما يطلع ولا يشوف شي !!
    ليش رايح البر وإلا رايح باريسسسسس !!

    شوفي هالدعاية لشركة اتصالات و اللي عاملينها هنود الصراحة فن فن فن .. واللي قاهرنيييييي (على قول وحدة مستورة ههههههه) إن جماعتك يحقرونهم !!!! لا وأبشرك قبل سنتين حتى مو الحين ..

    http://www.youtube.com/watch?v=usshZ5NCNb4

    1. ياسفابي وأنا توني أشوف ردك 🙁

      محد يختلف على أنو موبايلي شركة محترمة وبروفشنال مره ..

      ومعك أنا أنو دعاياتهم عادية وأقل من عادية إلا حلا دولي حقت اليمن مره جازتلي وحسيت إنها حلوه ومبتكره ..

      أما حقت باريس ذي اي كلام .. ما توفقوا سبحان الله

      أما على دعاية الهنود ياعيني على هيك دعايه يالول .. فن صراحة .. مره حلوه الفكره