تقنيةكاروسيل

الكاميرا صديقتنا في أيامنا ورحلاتنا .. تعرفوا على تاريخها

نقدر نقول إن الكامير تعتبر من أهم الأدوار المصاحبة لنا في حياتنا اليومية وفي رحلاتنا اللي نستكشف فيها العالم، وهي الوسيلة اللي من خلالها نوثق أجمل اللحظات وأفضل الأماكن، ولكن تعرفون إن لها تاريخ طويل من آلاف السنين .. تعالوا نتعرف مع بعض على الكامير .. تاريخها وتطوّرها..

الفيلسوف الصيني موزي

من البداية والإنسان يحب يدوّن اليوميات والمناسبات والشاهد على ذلك النقش على الصخور والرسم على الجدران في الحضارات القديمة، وبمرور الزمان كان الملوك والأغنياء يستأجرون الرسامين لعمل لوحات بورتريه لتخليدهم، وهذا الشغف في التوثيق صاحبه الاكتشافات مثل الفيلسوف الصيني الشهير موزي، اللي لاحظ إن الضوء الي يدخل من فتحة صغيرة لغرفة ظلمة تتكون صورة على الجهة الثانية من الغرفة ومن هنا بدأت ظاهرة الـ ( كاميرا أوبسكيورا Camera Obscura ) أي (الغرفة المظلمة).

أرسطو اليوناني

بعدها أرسطو اليوناني اللي كان أحد متابعي موزي تساءل في كاتبه بروبليمز Problems، عن السبب اللي يجعل الضوء المار بشكل رباعي مضلع إلى شكل دائري مش على شكل مثلث وهي من تجليات هذي الظاهرة اللي تسمى (كاميرا أوبسكيورا).

الحسن بن الهيثم

وبعدهم كان دور الحسن بن الهيثم في إنه شرح بشكل تفصيلي ( الغرفة المظلمة ) وكان الأول اللي شرح طريقة تكون الصورة  في كتاب ( الضوئيات )، وعرف إن الصورة تتشوش وتصير مش واضحة كل ما كبرت الفتحة الصغيرة اللي تمرر الضوء.

وهذي التقنية هي الأساس اللي انبنى عليه صناعة الكاميرا ولكن في وقت العلماء موزي وأرسطو والحسن إبن الهيثم ما كان الوقت متقدم لتطوير كاميرا تلتقط الصور وكان ظهورها بعد مئات السنين.

وفي القرن الـ17 والـ18 بعض الرسامين استخدموا هذي تقنية الغرفة المظلمة في رسوماتهم لتظهر بدقة كبيرة على الجدران الكبيرة ومن أشهر الرسامين اللي استخدموها الرسام الهولندي يوهان فيرمير في القرن الـ18.

أول آلة الكاميرا

أما القرن الـ19 فقد شهد ظهور أول آلة كاميرا تم استخدام الحجرة المظلمة لتصوير مشهد حقيقي وكانت هذي البداية وبالتحديد في عام 1827، مع المخترع الفرنسي جوزيف نيتشيه اللي اخذت منه 8 ساعات عشان يثبت الكاميرا ويلتقط الصورة.

وفي عام 1839، فنان فرنسي هو اللي صنع أول كاميرا مثل اللي نعرفها في وقتنا الحاضر واللي كانت تاخذ الصورة دقايق لالتقاطها وطورها لين ما صارت ثواني وكانت الصور تطبع على رقائق نحاسية مطلية برقائق الفضة.

أول سيلفي في التاريخ

وبعدها فرنسا أطلقت هذا الاختراع للبيع في الأسواق وفي نفس العام ظهرت أول سيلفي في للتاريخ مع روبرت كورنيليوس الأمريكي اللي التقط صورة لنفسه بعد ما ضبط الكاميرا وضغط على الزر وبعدها ركض عشان يواجه الكاميرا.

أول صورة ملونة

عام الرياضيات والفيزياء الأسكتلندي جيمس كلارك ماكسويل هو أول من قام بالتقاط صورة ملونة لوشاح وهذا الكلام كان في عام 1961.

أول صورة متحركة

وفي عام 1878، قام المصور ادوارد مويبرديدج بوضع مجموعة من الكاميرات على صف واحد والتقط صور متعدد لحصان يركض وبعدها قام بجمع الصور لتكون أول صورة متحركة في التاريخ، وممكن نقول إنها أول فيلم.

كوداك

تم تأسيس شركة كوداك الشهيرة اللي قدمت الكاميرا اللي كل من يقدر يحملها بسهولة وفي نفس العام تم إنتاج أول مقطع فيديو وهذا الشي قبل لا تنتج كوداك كاميرتها الشهيرة (براوني بوكس )، وبعدها قامت شركة لايكا في عام 1925 بإنتاج أول كاميرا فيلم 35 ملم.

بولورايد

نقدر نقول إن كاميرا البولورايد أحدثت ثورة في هذي الصناعة عند صدورها لأنها أول كاميرا تصوير فوري واللي تم إنتاجها عام 1948، وبعدها طلعت كاميرا الـ SLR لين ما وصلنا إلى كاميرات الديجيتال اللي صدرت في عام 1995 وبعدها ظهرت كاميرات DSLR الفائقة الجودة.

كاميرا الأجهزة الذكية وشبكات التواصل الإجتماعية

تغيّر العالم تماما مع كاميرات الأجهزة الذكية المحمولة ووسائل التواصل الإجتماعية اللي يتم توثيق اللحظات ثانية بثانية مع مئات الملايين من الصور يتم تحميلها من كل أنحاء العالم كل يوم.

فوتوغرافي

والختام مع أصل التسمية اللي يرجع أصلها لكلمتين مجتمعين وهي فوتوس وتعني الضوء وكلمة غرافي وتعني الرسم أي إن (فوتوغرافي ) تعني (الرسم بالضوء).

الوسوم

مقالات ذات صلة

زر الذهاب إلى الأعلى