تقنية

هجرة جماعية من إنستغرام إلى سناب شات !

كثيرين إبتدوا يشعرون بالضجر من “إنستغرام” وأنا أولهم .. وكان البديل هذي المرة مع تطبيق “سناب شات” لأننا أول شي هجينا من “فيسبوك” إلى “تويتر” وبعدين هجينا من “تويتر” إلى “إنستغرام” والحين اللي أحس إنه سحب البساط من إنستغرام هو الـ “سناب شات”، لأن الإنستغرام صار يضج بكمية من الإستعراض والتباهي بين بعضنا البعض وصارت الناس تتاجر فيه يعني قرروا يشترون متابعين عشان يحققون مكاسب لأن شركات الإعلانات ما يهمهم إلا عدد المتابعين ولا عاد يهمهم المحتوى!

نرجع لموضوع الهجرة الجماعية للناس ومللهم من إنستغرام ، أنا أقول يمكن لأن الشركات صار لهم تواجد كبير على الإنستغرام وتطفيشهم للناس بالمسابقات، مثل من قبل في الفيسبوك .. أو هجوم الأهل والمعارف و قاموا طفشوا عيالهم منه أو لأن ماعاد فيه خصوصية مثل ما طلع كلام و إنتشر قبل كذا .. مدري بس فيه شي غريب قام ينفّر الناس من إنستغرام، بالإضافة إلى إن بعض التعليقات جداً مستفزة .. أو يمكن لأن إنستغرام صار فيه فيديو وصار فيه رسايل خاصة و قام الكل يستخدمه عمال على بطال أو يمكن لأن شركة فيسبوك إشتروه .. ما أدري؟ بس فيه شي مو قادره أوصل له.

عزوف الناس عنه بشكل تدريجي شي مثير للدهشة!

هل إنتم تشوفون إن فيه هجرة من الإنستغرام للتطبيقات الأخرى؟ .. وإذا كان جوابكم نعم!

السؤال الأول: ماهو السبب اللي دفعهم لترك الإنستغرام؟

السؤال الثاني: ماهو التطبيق اللي تتوقعون إن الناس راحت له؟

واللي يبغى يشوف يومياتي على السناب شات يقدر يضفني على حسابي wainblog

 

 

مقالات ذات صلة

4 تعليقات

  1. فعلا ياهلا الناس هجروا انستقرام إلى سناب تشات وأنا أولهم والأسباب الي قلتيها كلها أثرت ماعاد مريح زي أول انستقرام صار كله مراقبه وتصيد للأخطاء على بعض ومافيه خصوصيه ودعايات تملل كمان.. واحنا برضو شعب ملول كل فتره نهب في شي ونترك القديم

    1. صادقه .. أما من ناحية إننا نهب في الشي فإننا نهب فيه وترا انستقرام خرب يوم كل من عيّن نفسه وصي على الثاني يعني صار كل من ينقد الثاني وصار الشي لا شعوريا .. أنا نفسي صارت معي وبعدين تعوذن من إبليس وقلت دع الخلق للخالق وشهوله نقعد نتفكر في خلق الله ..

      وعشان كذا صرت مقله فيه ولا عاد يمتعني مثل أول بصراحة !

  2. عندج حق اختي هلا الانستغرام صار للتباهي ومافيه خصوصيه والناس قامت تراقب بعض وتتجسس على بعض هو صح كان فيه ايجابيات بس للاسف العرب استخدموه بطريقة سلبية وصار للاستعراض والخقة يعني مثلا اللي تعرض شنطها الماركة او مجوهراتها اتحصل لايكات اكثر ومن غير التجار اللي يطفشون الواحد والمسابقات اللي مالها داعي وماننكر انه احنا شعب ملول واليديد عشقه شديد مثل مايقولون واسفه عالاطاله

  3. نعم فيه هجرة ولاحظة انهم مندفعين للسناب شات
    لاكن ما اتوقع الكل هاجر انستقرام طبعا
    هي نفس الدوره مع كل التطبيقات
    يكون الأبليكسشن مع واحد من المشاهير الأجانب او اعلن عنها بشكل عشوائ بس مقصودة ( عن طريق برامج مشهوره مثل the insider )
    ثمن تقوم الناس بتجربتها
    لاكن اعتقد الناس فضلو السناب لأنها بعتقادهم انها شخصية اكثر (نحنو لا نعلم)