تجيكم السالفة

رطوبة دبي .. والمشي !

البارح بالليل قلت خليني أمشي شوي لأن التخمة أخذت مي مأخذ لدرجة إني بديت أحس إن ثقلت بزود.. هذا وأنا قايله إني بخفف في رمضان هذا َ

المهم إني قررت أمشي وتوكلت على الله ومشيت .. يوم طلعت أول شي إنصفق وجهي بالرطوبة .. مرة الرطوبة قوية والجو حار !

ولكن ! والغريب في الموضوع إني مشيت لمدة ساعة الحمد لله .. واليوم صاحية وأحس إني تمام ومافيني شي بعكس قبل أمس يوم مشيت في المول رجعت متكسره وتعبانه ومهدود حيلي .. مدري هو المكيف أو هو المشي البطئ بسبب إزدحام المول !

هذي الشي لاحظته قبلي لمى .. قالت لي ياهلا ترا المشي في المول يجيب المرض بس ما تهيألي إنه بهالطريقة.

أنصح اي كل أبو أحد إنه يمشي في الهواء الطلق وحتى ولو كان الجو رطب وحار بس لا ينسى يشرب الموية وإلا تراني غير مسئولة.

عاد حطيت لكم صور لواجهات المحلات وأثر الرطوبة عليها :

مقالات ذات صلة

2 تعليقات

  1. إيه والله يا هلا إنه يكسر .. أنا حسيت بالفرق في اسطنبول كيف كنا نمشي مسافات طويييلة و طلعات و نزلات و درجان بس ما كنا ننحس بتعب في ظهورنا و رجولنا مع إن الجزم الله يكرمك هي نفسهااللي كنا نستخدمها في المشي في مجمعات دبي مثلاً بس التعب اللي نحس فيه من مشي المجمعات مزززعج لأننا كل شوي نقعد في قهوة.. أنا أقول والله اعلم إن السبب مو بس المشي في الهواء الطلق بس حتى الأرضية اللي يمشي عليها الواحد تفرق .. لأن الرخام والسيراميك يعدم الظهر .. بينما الحجر وقعه أخف .. وطبعاً أفضل شي هو المشي على الشاطئ لأن الرمل يخفف الضغط على المفاصل و يشد العضلات و هواء البحر اللي كله يود ينعش و يرطب الرئة والقلب.

    بس والله برافو عليك يا هلول .. استمري بالمشي حتى لو حر شوي ما يضر إن شاء الله ما دامك تشربين مويه وسوائل باردة .. والله الضرر الحقيقي في القعده عند المكيف قدام التلفزيون أو الكمبيوتر ساعات و ساعات بدون حركة ):