تجيكم السالفة

هذا مجلس جلالة السلطان !!

مو قادره أصدق اللي شفته في قناة الرياضية السعودية .. أمس وأنا افرفر بين القنوات ارياضية عشان أشوف وش آخر تطورات ألمبياد لندن 2012 . إنصفق وجهي يوم شفت المنظر هذا:

ياجماعة الخير يرضيكم هذا الشي ! يرضيكم قناه رياضية عاملين ديكور ذهبي والكراسي كنها عرش السلطان وهم كنهم في مجلس في زمن العثمانيين؟!

أحس إن هذا الشي لا يرضي لا عدو ولا حبيب .. الرياضه وين .. والديكور حق الإستديو التحليلي وين .. وأنا ما أعرف وش اسم البرنامج .. بس حتى ولو كان اسمه مجلس الرياضة .. هذا مو مجلس هذا يتناقش فيه رياضه هذا مجلس استقبال كبار الشخصيات.

أنا عاد قلّبت الموضوع في راسي لين ما إنقلب راسي .. مستحيل .. أكيد إنهم يعرفون راعي محل الديكور وقال بيعمل لهم تخفيض على العفش اللي ما إنباع وطايح في كبده! أو والله إني ما أدري .. بس اللي ودي أعرفه هم ما يستحون يقعدون في هالإستديو اللي ما غسل وجهه ! قسم بالله إن تفشلت لهم ..

مقالات ذات صلة

3 تعليقات

  1. هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه

    الله يوسع صدرك بالعافية يا هلا .. غشيت من الضحك .. يعني الديكور ما فيه أي نوع من اللياقة! مير هم غايصين فيه.
    الصراحة أنا التمست لهم العذر قلت أكيد شب في الاستديو الأصلي حريقه و إلا لقوا فيه قطو ميت خيسهم و اضطروا يغيرون المكان .. يعني أكيد هذا اللي هم فيه بلان بي مهو مستحيييييييل ولا يمكن إنه يكون بلان أي!أكيد فيه شي.. مستحيل صحيت الصبح لءيت نفسك برعي هههههه

    بس ما ظنتني يعرفون راعي المحل .. أتوقع إن الكراسي “ت ش” لووووول

    1. هوووووو .. ليتك شايفه وجهي يوم إنصفق .. ما صدقت قلت مستحيل هذولا عايشين في القرن الواحد العشرين مستحيل ذول اللي يسولفون عايشين في زمن الآي باد والآي فون .. مستحيل 🙂

  2. هههههه يقطع شرك على هالتفسيرات .. اللي بالصورة كلهم مالهم ذنب .. الشرهه على المخرج والديكور … والمشكله تطيح براس المذيع ههههه