تجيكم السالفة

الـ “منفسجي” لون .. والـ “مقنّط” نقشه !

ذكرتني هالصوره بسوالف قديمة .. أول شي وش رايكم في المنظر مو يشرح القلب الحزين وثاني شي اللون البنفسجي أو مثل ما نسميه في الرياض “موف” بالنسبة لي من أجمل الألوان .. الله يذكر سوالف بنت خالتي  بالخير، من زمان يوم إنها صغيرة مره، كانت تسمي البنفسجي منفسجي .. الظاهر إنها مضيعه بين موف وبنفسجي واختصرت وقالت منفسجي

وكانت بعد تحب أي شي منقط وكانت تسمي المنقط مقنط .. بس الحين كبرت ووضعت الأشياء على نصابها يعني صارت تقول بنفسجي ومنقط

بسالكم وش الأشياء اللي كنتوا تقولونها وإنتم صغار 🙂

مقالات ذات صلة

4 تعليقات

  1. ههههههههههههه خابرتها بنت خالتك بدعة من البدع … يا حلوها
    أنا والله أمي تقول إني كان عندي عروسة و كنت أغنيلها الأغنية المصرية المشهورة:
    ايه العزمة دي كلها ..
    لين الحين انا ما شيه صح والمفروض أكمل و أقول:
    آه يا قمييييل يا أبها ..

    لكن اللي انا كنت أقوله:
    إيه العزمة دي كلها … ياللي عضلاتك عضلات البقرة !!!!
    للامانة تراني كنت محافظة على نفس اللحن !

    هههههههههههه هو الحمد لله والشكر بس !! منب صاحية

    1. لولو .. مير أنا مدري شلون سطيتي تقولين سالفة عضلات البقره .. أنا طول عمري ساتره عليك بذي السالفه بس إنتي ما سترتي على عمرك هههههههههههه

      هو هو هو منتي بصاحية وش عضلات البقره هههههههههههههههههه

  2. ههههههههههههههههههههههههههههههههههههههه والله طول عمري بالعة مصيبتي و ساكتة .. بس قلت يا بنت صرنا 2012 خلاص الناس مابقى شي ما شافوه ولا بقى شي ما سمعوه .. و كل شي بدّو يمرؤ !

    بس وش رايك بـ ” يمرؤ” ؟ (;

    لا وأبشرك تقول لي أمي يوم حكيت لها سالفة موضوعك وإني رديت عليك بمدونتك .. قالت لي أصلاً العروسة كانت تغني إيه العزمة دي كلها آه يا قميل يا أبها .. وأنتي ترددين وراها ..
    يعني أنا منطرشة رسمي .. هههههههههه
    يوم دريت تشرهت عليها .. قلت لها يمه كل هذا ولا رحت تكشفون علي ؟؟

    1. الله حق هو صارت الاشياء كلها تمرؤء تمرؤء …
      مير حتى الأشياء اللي ما تنبلع قامت تنبلع من أول نتغصغص فيها الحين لا تنبلع وبسهوله .. كل شي صار عاااااااادي 🙂

      والله إنهم غلطانين .. وأنا الحين معك أنا عتبانه عليهم يعني إيش ما يروحون يكشفون عليك .. كان على الأقل تداركوا الأمر بدال ما هو صاير على المفتشر كذا

      أجل في رسلك يومك تقولين عضلات البقره وكمان تنشرين السالفه

      صدق والله ، لازم ينكشف عليه هههههههههههههههههه