تجيكم السالفة

التعليق .. والمعلقين .. غثيان ! ولا عاد فيه جماهير وفيه

وأنا أتابع مباراة سانتوس البرازيلي مع برشلونة الأسباني .. المعلق العربي عصام الشاولي في قناة الجزيرة جابلي حالة من الغثيان

يعني قلنا تشجع برشلونه بس ما بهذي الطريقة .. يعني خلاص دخنا وحنا نسمع : من أنتم يا فريق برشلونه ما هذا الإبداع ما هذا إلا سحر والساحر ميسي

وكلام يجيب الغثيان ، خلاص درينا إنك تشجع برشلونه .. خلاص

ولين شدوا حيلهم فريق سانتوس ما يقول الفريق شد حيله يقول برشلونه تراخوا يعني كل شي يخليه يدور حول محور برشلونه

وهذا حنا يالعرب ما نخلص من هذي العقدة المتزمنه فينا إننا نتبع القوي وحنا عيوننا مغمضة وممكن نغير ولائنا ونتبع القوي عشانه قوي ولو كنا من قبل لنا ولاء آخر

ما عاد فيه جماهير وفيه …

واللي يشوفهم يتغزلون في ميسي ، مو هذا ميسي اللي انرقع 4 صفر من ألمانيا في كاس العالم الأخير وإلا أنا علطانه !!

مقالات ذات صلة

7 تعليقات

  1. حرام عليتس ياهلا غصب عنه المسكين والا هو ماوده يمدح ..
    سؤال جاوبه بالتويتر عصام الشوالي وقالها صريحه انا مدريدي بس خلف المكرفون ماشوف الوان ابددد
    والحين حسين ياسين توه كاتب بالتويتر طبعا حسين مقدم برامج بالجزيرة الرياضيه قال غضب عنك تقف احتراما لذا الفريق وهالتويته قبل دقايق كتبها حسين ..
    بيني وبينتس هلا وبعيدا عن حبي لذا الفريق البرشا يمتتع وجالسين نشوف فريق واحد يلعب الحين بس .. سانتوس بس مكمل للمباراة وماله اي دور

  2. ههههههه يالله معوضه خير بس نصيحة ياهلا لاتتحمسين ضد برشلونه ترى انتي الخسرانه

  3. مير انتي تعلقين امالتس بهالرخوم وانصقعوا ب٤
    اذا قابل الهلال برشلونه شجعي الهلال لانتس وقتها بتلقين فريق يوقف هالمبزره <اتوقع الحين طرشتي هههههه

  4. طعنه في مقتل هلال وبرشلونه .. دا حتى خبطتين في الراس توجع .. ما اتحمل من جد راح اطرش صدق المعده لك عليها ههههههه سلوم خف علي وانا اختك

  5. البرشا بحبو برشا برشا

    التعليق العربي مزعج
    يازين الانجليزي يتكلم وقت الهجمه او الحاله اللي تستاهل