موبايلاتكم .. بياناتكم .. أشياءكم

قبل كم يوم وحده من صاحباتي إنسرقت موبايلاتهم منها في أحد اسواق الرياض .. اللي حصل إن موبايلاتها الآي فون والبلاك بيري راحت عليها والشي اللي يضّيق الصدر إن تلفوناتها فيها صورها وصور أهلها وصديقاتها ..

وقبلها كمان صاحبتي انسرق موبايلها برضوا أحد أسواق الرياض ..

هي الفكره الموبايل لو راح بكيفه ، بس الأشياء اللي داخل الموبايل هي اللي تضيق الصدر لو راحت ، وخصوصا لو ما كان فيه باك أب .. يعني نسخة إحتياطية

عشان كذا أنصح دايم إنكم تنسخون كل بياناتكم وتعملون نسخة إحتياطية وكمان الصور كلها تنقلونها كل اسبوع من جهاز الموبايل للكمبيوتر يكون أفضل من الموبايل اللي معرض للسرقة أو للضياع.

فيه عاد ناس مره مآمنين لدرجة إنهم مسجلين الأرقام السرية لحساباتهم البنكية وارقام سرية لحسابات كثيرة أخرى وهذا مره غلط لأني !!!

يعني لو انسرق .. وش السوات في هالحالة !!!
أنا عارفة إن فيه برامج تحدد مكان الموبايل وبرامج تمسح بيانات الموبايل .. بس ترا مو كل الناس محترفين في التقنية الحديثة .. يعني الحيطة والحذر واجبين ..

والله لا يورينا مكروه يارب