تجيكم السالفة

كل عام وإمارات الخير .. بخير

من 1 نوفمبر وإلين الحين وكل أمارة من الأمارات العربية المتحدة تحتفل في يومها الأربعين “روح الإتحاد” وهذا اليوم مختلف في كل المقاييس .. لأن إحتفالاته دامت 40 يوم وفيه صارت الكثير من الفعاليات اللي تبعث على الفرحة في قلوب كل الأماراتيين وكل المقيمين في الدولة

وأنا مع دخول يوم 2 ديسمبر اللي هو اليوم الوطني للإمارات ومن الأمارات أقول:

كل عام والأمارات بخير .. كل عام وكل الاماراتيين بخير .. كل عام وديرتي الثانيه في أمن وأمان و عز ورخاء وتقدم وإزدهار

من كل قلبي أهني الإماراتيين على بلدهم الجميل وأخلاقهم النبيله وطبيعتهم المضيافة وقلوبهم الكبيره

كل عام وأنتم بخير يا بلد الخير

مقالات ذات صلة

8 تعليقات

  1. كل سنه والامارات والاماراتيين بالف خير وسلامة وفي عز وازدهار .. الله يخلي لهم شيوخهم ويديم على شعبهم الموده والألفة والمحبه بينهم .. ماقد شفت شعب يحب ديرته ويحب حكامة ويحب ارضه مثل الشعب الاماراتي ماشاء الله تبارك الله .. اغبطهم على ترابط قلوبهم
    وانتي ادرى مني ياهلا باهل الامارات واتوقع توفقيني الراي بطيبة شعبهم

    1. أوافقك وبقوه ..

      مير أنا أمي كل ما ركبنا المترو .. تقول اللي يفرج لك يا محمد بن راشد مثل ما فرجت على المسلمين

      تخبر عندنا أزمة مواصلات لين طلع السواق ضعنا .. ومن سابع المستحيلات إننا نركب ليموزين في الرياض !! بسبب ما ينقال وما يثار من أقواويل وتهاوين حول الليموزينات..

      وطبعا ناهيك إننا نطلب من أحد سواقه وسيارته لأنها أعز من ولده في الرياض ههههههههههههههههههه

      قل آمين ما يدور الدور ولا يحول الحول إلا ويركب عندنا مترو في الرياض في شارع العليا العام وطريق الملك عبدالله مثل ما قالوا ..

  2. خخخخخخ والله انتس صادقه مير انا من سكان السلي ودوامي بمدينه الملك عبدالعزيز الطبية يعني ماتجي ١٠ كيلو ومع ذلك تلقيني اجلس ٣٥ دقيقه لين اوصل للدوام مع انو مفروض ما اخذ ٥ دقايق ..
    ناهيك عن طلعاتنا للعليا وشمال الرياض عموما يبي لها نطلع قبل الموعد بساعتين ولعلنا نوصل سالمين وعلى قولتك الليموزينات بالرياض مسببة ازمات غير طبيعيه واخرتها يوم الثلاثاء ساعتين فقط بالدائري الشرقي والشمالي لين وصلت الصحافه وانا طالع لسدير والمشكلة ان طريقي من العقيق لسدير ساعه بس .. صرت اذا مشيت لسدير ووصلت للعقيق ادق على ابوي اقول له اني وصلت

    1. ياربييييييييه .. الله يفرج لك ويفرج لي ويفرج لمستخدمي شوارع الرياض .. لأن الزحمة مش طبيعية .. صديقتي ساكنه في المعذز الشمالي ورى بانوراما مول .. عشان تروح سنتريا .. تاخذ لها ساعة في الويك إند وهو المفروض مشوار أبو 5 دقايق وفي الأيام العادية 20 دقيقة .. يعني كنه مشوار لمطار الملك خالد والسكه فاضيه ..

      الله يصلح الحال يارب .. والله أنا أقول لازم جسور .. هي اللي تفك الأزمات المرورية.

  3. كل عام والإمارات بألف خير و صحة وسعادة وعز للإسلام والمسلمين .. الله يدوم عليهم الأمن و الأمان يارب .. وعلى كل بلاد المسلمين

    يازين الإمارات و أهلها .. ويا زين دبي و يازين المترو ويازين رؤية محمد بن راشد ويا زين تطبيقه لهالرؤية و يازين حرصه على الكمال والتفاصيل …

    إيه والله يا هلوووول .. الله يفرج له دنيا و آخرة .. والله كل ما ضاقت صدورنا طمرنا لدبي كل شي على مستوى عالمي .. الأوتيلات و الأسواق و المطاعم .. يعني الواحد يدفع و هو مبسووووووووط يعرف إنه بيحلل كل قرش دفعه!

    إمارات الحب .. كل عام وإنتي وأهلك بخير

    1. آمين يا لمى .. إيه والله صدقتي و دبي تضاهي أكبر المدن الأوروبية والنمور الأسيوية كمان .. إيه ووالله يا زينها وأنا شهادتي فيها مجروحة لأني من عرفتني وأنا أحبها هالديره .. والله يحفظها يارب .. ومن تقدم لتقدم ومن إزدهار لإزدهار يارب