تجيكم السالفة

أنا والصور .. والكاميرا والشجاعه

مدري له استحي .. وكثير استحي لين جيت أصور شي عجبني عشان انزله في المدونة .. يعني مثلا أشوف المدونات الثانية يصورون كل شي لين راحوا مطعم مثلا .. أنا سويت هذا الشي كذا مره ولكن كل مره يصاحب التجربة الكثير من الخجل.

احس لازم تلزمني الشجاعه عشان أقعد أصور وأصور واصور .. أروح اماكن كثيره في دبي أو في الرياض أو في أي مكان سافرت له مؤخراً وتكون الأماكن مره حلوه وودي أكتب عنها تقرير مفصل مثل باقي المدونات

يعني مره عملت تقرير عن معرض السيارات في دبي وصوت كثير لأن كل الناس اللي في المعرض يصورون وكان عادي مو مثل لما يكون الشخص هو الوحيد اللي قاعد يشكشك بالصور

وبرضو يوم صورت بالفيديو كيم كرداشيان لأن كان الكل يصور والوضع طبيعي .. والمو طبيعي اللي ما يصور 🙂 !

وإلا عاد يوم سالفتنا مع إيفا لانغوريا .. هسترنا

فعشان كذا دايم استعين بالصور اللي من الموقع الرسمي للمكان.. بس أنا ودي إني اكون أنا اللي مصورة وحاطه الشي اللي شفته في كل مكان مو بس بالأماكن اللي كل الناس تصور وأقوم أتشجّع وأصور معهم عادي.

وش السوات .. ووش الحل ؟؟؟ .. هقوتكم أكلم الدكتوره فوز 😉

مقالات ذات صلة

16 تعليقات

  1. للأسف ما أقدر أعطيج حل للمشكله لأن أنا عندي نفس المشكله لول، أحب التصوير وااايد بس للأسف أستحي أطلَع بكاميرتي الـ DSLR وأصور بمطعم أو غيره من الأماكن العامه، بس إذا سافرت أوروبا أو أي دوله أجنبيه ما أواجه هالمشكله يمكن لأن هناك كل واحد ماشي بحاله والوضع طبيعي عندهم، صور مدونتي أغلبها من كاميرة الـ iPhone… وكلما كان المكان فاضي كلما خذيت راحتي وطلعت الصور أحلى P:

    1. صادقه الأجانب عادي عندهم التصوير وفي كل مكان .. إلا في بعض الأماكن ممكن إنهم يزقرونك شوي 🙂 .. إه يمدحون صور الآي فون والحين بعد يقولون الكاميرا صارت 8 بيكسل يعني بتكون أوضح وأوضح .. إن شاء الله إني بشتري آي فون وبجرب ..

  2. انا مثلج ساعات تصير فيني هل حالة…

    قبل لا اصور لازم اتلفت اطالع في احد يخزني…وحتى لو صورت اصور بسرعة عشان الناس لا تنتبه لي .. بعدين ارد البيت اتحسف الصورة ماتكون واضحة مثلا

    1. انا نص صوري مو واضحه يابابا عود ومثلك بالضبط أتحسف بس أحاول اعدلها شوي بالفوتوشوب واحطها..

  3. التصوير التوثيقي لايحتاج إلى إحتراف أبداً… مبتغاه الرئيس ايصال الفكرة .. والفكرة ستصل لمن يحتاجها مهما كان نوعها او عيوبها

    في النهاية المدونة ليست صحيفة ذات مقاييس عالمية… لكنها مكان يجمعك مع متابعينك كالتي تجمعني مع اصدقائي مثلا فيشاهدون صور رحلتي من هاتفي النقال فلن يكون في بالهم نوعية الصور والزاوية والاضائه بقدر المحتوى الذي تحمله الصورة

    هي كذا بكل بساطه
    ضروري نشوف صور للمطعم الارجنتيني ونوع الستيك المناسب 🙂

    1. هذا الكلام عين العقل بس برضو.. ودي احس إن صوري تكون حلوه ومميزه ..

      إن شاء الله بكره أو بعده بالكثير بنحجز ونروح لغاوتشو وبكتب عنه بس والله ما ظنتي أصور تخبر بعض المطاعم لازم نتسمت فيها 🙂

      1. فهمت قصدك متأخر…
        بالعكس مهما كانت الرسميات … انا اطلع كاميرتي الصغيره واصور بكل اريحية… وماعندي بأحد

        المشكلة في فكرة” شنو بيقولون عني ؟؟”
        لأن هذا السؤال هو أكثر الاسباب اللي تمنعنا أننا نسوي اشياء نحبها
        انسي هذا السؤال وصدقيني بتلقين كل الترحيب من كل الناس بشكل ماتتخيلينه

        تخيلي أحياناً نجبر جماعة كاملة من عشرات الاشخاص انهم يسون حركة معينه علشان تطلع لقطة حلوة سواء للجريدة او التلفزيون او حتى موقع الكتروني
        مثل نخليهم يسون نفسهم يسولوفون بحماس, او ياكلون, او يأشرون بيدهم, واحنا مانعرفهم

        فلا تحاتين … الناس تحب التصوير ….
        في مكة المكرمه أذكر شرطي مرور كان جداً متنرفز وحر وتعب وعمل جاد… ولابس كمام على وجهه…. وحنا نمشي بكاميرا فيديو … فجأة أنتبه لنا … قال لحظه وشال الكمام من وجهه وابتسم وهو بعز الطفش ..علشان نصورة وتطلع صورته حلوة…
        تخيلي هذي المواقف … وانسي السؤال الأول اللي يسبب لك الحرج

        1. إيه .. الواحد يستحي من مبدأ إنه بيصير منقود ويستحي إنه ينقد ..

          أي سؤال اللي يسبب الحرج ! ما فهمت !

  4. هلوووووووووووووووووووول صوري و عين الله ترعاكِ !!
    ماعليك من أحد .. والله لو تشوفين كاميرتي وش كبرها (نيكون كبر هالباب) وبكل ثقة أطلعها و أصور .. معد عقب يوم أصور في اوتيل قصر الإمارات أبو ظبي .. هههههههه .. في لحظة كنا مشخصين في اللوبي افتر نوون تي محد قدنا .. وفي لحظة هلقت و طلعت الكاميرا و قمت أشكشك!! لا و اتوصى بالصور بعد .. إشي زووم وإشي فوكس .. ما أظن إنهم كانوا مستوعبين إن عندي مدونة .. بس مو فارقة كثير هههههه لأنني نويت أن أصور !!

    1. ما شاء الله عليك يالولو .. مير أنا أصور بكاميرا الموبايل وعساي سالمه .. تصك فيني الدنيا .. بس تدرين الظاهر إني سون أو ليتر لازم أصور عشان كذا لازم أنطح نفسي من الآن وأبدأ والله يكون في العون

  5. هلا تراني كاتب كلام هذا كثره >يأشر بيدينه
    بس ماطلع الا سطر واحد شكل الخلل من جهازي .. ياسفاب كلامي لكن بعوضه بهذره اخرى

    1. وش جهازك عشان ما نشتري مثله دام هذي علومه ههههههههه

      اهذر وأنا أختك بيتك ومكانك والعين أوسع من المكان