تجيكم السالفة

حساسية المراهقين !

اليوم في دبي قعدنا في مطعم في ممشى جميرا بيتش ريزيدنس و فيه كثير سعوديين عشان إجازة عيد الأضحى المبارك .. واللي حصل وأنا قاعده في المطعم إلا جنبنا عيله سعودية كثيرين عدد أفرادها والأبو والأم والبنات والعيال الصغار ما شاء الله والله يبارك فيهم .. المهم كان من ضمنهم ولد مراهق عمره يمكن ما يتعدا 16 سنه

وأكيد بتسالوني وشلون عرفتي إنهم سعوديين ما يحتاج من طريقة تصفيف شعر العيال:)

اللي حصل أنو جا وقت التسديد والأبو هو اللي بيسدد وقام الأبو وطلع من جيبه محفظه مره قديمه وعاديه ومهلهله .. قام الولد يتلفت وأحمّر وجهه خايف يشوف أحد ينتبه لمحفظة أبوه و شكلها مأزمته نفسيا .. أظن كان وده تكون محفظته لوي فيتون أو أحد ذا الماركات الرناّنة اللي لازم تكون سعر المحفظة فوق الألفين ريال وإلا ما تخارجهم .. لزوم الزبرقه والأمور هذي تخبرونها .. عقدة الماركات العقدة المستفحلة فينا ولا لها حل ..

بس الغريب ليه دايم المراهقين يستحون من أشياء الأباء يسونها .. عادي الأباء بحكم العمر .. يعني كل ما يتقدم العمر في الإنسان ما عاد يهتم بالمظاهر اللي كثير يهتم فيها المراهق لأن ما أعتركته الحياة وعرف إنها مجرد قشور إلا بعد ما يكبر وينضج وكثير ما ينضجون .. الغالبية ما ينضجون !

ولأن هو كمان ما درى إن ما سفرّهم هالسفره إلا الأسلوب هذا .. وهو التوفير وعدم رمي الفلوس على أشياء ما تسمن ولا تغني من جوع وما دام محفظته مقضّية ليه يجيب جديدة .. وطبعا هذا تفكير الشيّاب .. اللي بالأخير نكتشف أنو هو الصح

أنا مره فكرت أجيب هدية لأمي .. والله إني إحترت لين ما شاب راسي وأنا أفكر وش أجيب لها .. كل ما فكرت في شي آلاقي ياهو عندها أو إنه ما يلزمها ولا لها حاجه فيه يعني لو جبته بيكون زياده .. بالأخير عزمتها على عشاء فاخر واستمتعنا والحمد لله

الدنيا أحلا من إننا نتأزم فيها عشان مظهرنا قدام الناس يكون زين .. في الحالتين الناس لا يعجبها العجب ولا الصيام في رجب

عيشوا حياتكم على كيف ما تشوفونها مناسبة بدون أي شي يغضب رب العالمين وبترتاحون.

مقالات ذات صلة

6 تعليقات

  1. هلووووول … ايه والله تصدقين فعلاً العيال صايرين يتفشلون من أهلهم ..
    تتذكرين حلقة طاش ماطاش يوم يشخص السدحان على البنت اللي كان يكلمها بالتلفون وقال لها الوالد طلبنا نطلع معاه بالطيارة الخاصة لزيورخ في رحلة عمل .. وفيما هو قاعد يعيش الدور وحاط رجل على رجل و يشوي و يوقع شيك .. دخل عليه أبوه وقال محيميييييد قم اجمع الغنم في الحوش هههههههههههههههههههه ..

  2. لا ذاك أنت ياطاش مو متفشل من أبوه بس إلا متفشل من وضعه كله السدحان كان عايش جو ثاني .. جو تصب على أصوله والله كشفه ههههههه

    هذا الولد وعيلته مره مرتبين ما شاء الله بس سبحان الله الأبو متعنقط بالبوك شكله وما غيره وهذي هي الفكره 🙂

  3. هههههههههههههههههههههههههههههههههههه كلامك درر @@ العيال دواهم الدقم ثم الدقم،،والله ان هالسياسة طلعت رجاجيل؛). والله هالاباهات( الآباء؛) ) ياجعل مايجيهم تكفير 🙁 وش رايك في السالفة اللي بقولها، اب يوصل بنته كل يوم للمدرسة وهالبنت نتفة يعني صغيرة مرة يمكن ثاني ابتدائي،المهم ان الاب مجتهد يوصل بنته كل يوم للمدرسة وحريص على بنته يعني بالمختصر اب قليل الآباء الحين اللي زيه حريصين،،نرجع للبنت !!! كل ماقربواللمدرسة على وشك انها بتنزل، تقوم وتنط ورى تخيليوا وتنزل من الباب الخلفي،لانها هي تجلس قدام مع أبوها ، تكررت السالفة كم مررة!!! استغرب الابو حس انه فيه سالفة؟!!! سال بنته ليش حبيبتي تسوين كذا؟!!! قالت : عشان اذا اسالوني صديقاتي مين هذا ؟ اقولهم هذا السواق !!!!!!! تخيلوا البنت متفشلة انه أبوها هو اللي يوصلها !!!!!!!  

  4. لا لا لا ياشاهه .. ههههههههههههههههههههههههه .. عنس ذا البنيه هههههههه أجل أجل .. والله بنات هاليومين ما هم بهينات أبد ياخف دمها أجل سواق ههههههههههههه

  5. وااااااااااا اسفااااااه !!!!! صار الصح غلط والغلط صح 🙁 مين يحصل انه ابوه يوصله !!!! هالايام عسى الاباء يطلون في وجيهم بس ويميزون اشباه عيالهم !!!!! هههههههههه بس على قولتك ماهم هينات بنات هاليومين ،وعلى فكرة هم عندهم اللي يوصلها الشغالة والسواق هي الكشخة 🙁 ياحيف على هالافكار السائدة!!!!