ساعات “كاسيو – Casio” هي الستايل الحين !

الله المستعان وين طلعو هالساعات منه .. بروح افتح تجوري ابوي كودي القى ساعتي يومني بالمتوسط اخبر تجوري ابوي فيه كل شي اثري خخخخخخ

إيه والله هلول الموضة القديمة لها حنين و تحسينها أوريجينال حتى و هي معاد طرحها ..أقصد تحسين إنها سوت أكشن في زماناتها!

أشوفهم طايحين فيها هلول!!
الموضة كلها رجعت للثمانينات .. هالمشجرات وألوان الباستيل وقصات الفساتين اللي من قدام قصيرة ومن ورا طويلة والحواجب العريضة وكلش .. بس لا والله يا هلول وإنتي الصادقة مو إفلاس إلا عامدين متعمدين خاصة دور الأزياء الكبيرة اللي متحكمة بالمسائل عشان يقللون التكلفة سوقوا لكل الأزياء القديمة و رجعوا يطرحونها في السوق .. مير فندي نزل شنطة قد نزل نفسها بالضبط قبل 15 سنة !! تقولين هي نفس الشنطة نفس القماش نفس التطريز! تخيلي

وهالفرنساوية يلعبون في العالم على كيفهم .. يعني خلال السنتين اللي فاتوا كانت الموضة شنطة شانيل الكلاسيك القديمة اللي برضو رجعتها شانيل بس الفرق إنها حطتها بألوان فاقعة و قيمتها بين 3000 – 5000 دولار حسب الحجم

ومن سنة وشوي تقريباً صارت الموضة شنطة سيلين .. برضو فرنسية و قيمتها حوالي 2300 دولار

وفيه بعد هيرمز ..عاد ذولي اللي ما تكلفوا صدق .. بعد ما باعوا شنطة كيلي اللي كانت تستخدمها غريس كيلي وعلى قولك اتفقوا مع الإعلام و عملوا قبل كم سنة معارض لصور غريس كيلي و حتى اللي ما كان يعرفها صار مهووس فيها .. بعدها نزلوا شنطة بيركين اللي برضو كانت قديمة وسوقوا لها لدرجة إنها صار لها ويتنغ لست حول العالم و قيمتها حوالي 12000 دولار هذا أقل شي و ممكن توصل إلى 120.000 دولار حسب نوع الجلد!!! والحين عاد مع الأزمة الاقتصادية نزلوا شنطة كونستانس اللي برضو قديمة و حجمها صغير و قيمتها 6000 دولار تقريباً.

هذا غير الساعات اللي كل سنتين تدور الموضة على دار مجوهرات سويسرية وهي كلها يمكلها شخص واحد لووول .. يعني غاطين يدينهم في جيوبنا غطططط لوووووول .. صادق سلوم الله المستعان