تغطية المطاعم

روسوفيفو – ارتسيان بيتزا .. ألذ بيتزا فيك يادبي .. !

أمس طحت لكم على صيده .. إنما إيه .. صيده بتعجب كل اللي يحبون البيتزا ,, وبالله عليكم مين ما يحب “البيتزا” .. الأكله الأشهر في العالم .. !

فيه مطعم اسمه روسوفيفو ارتسيان بيتزا وموجود في برج ملينيوم اللي في منطقة الخليج التجاري.

بيتزتهم شي وشويات .. طعمها لذيذ جداً لأنها معمولة من أجود المكونات.

وطلباتنا كانت بيتزا بوفالينا وهي تقريبا مثل المارجريتا بس الجبنه اللي فيها هي بوفولو ماتزوريلا .. وكمان طلبنا بيتزا بالخضار وكان الخضار باذنجان وكوسة وكانت مشوية والبيتزا الأخيرة طلبناها على كيفنا قلنا له نبيها مارجريتا وعليها مشروم وفليفلة ..

وكل البيترا يعملونها قدامكم وكمان يعملونها بالطريقة التقليدية بالفرد عن طريق اليد بدون إستخدام الشوبك لفرد العجينة ..

ولو بتدخلون على صفحتهم اللي في الـ “فيسبوك” راح تشوفون صور يوم عملو الفرن وراي الصحافة فيهم وأشياء كثيرة.

أترككم مع الصور من بداية عمل البيتزا:

مقالات ذات صلة

4 تعليقات

  1. ه̷̷ـَْـُلاٌٍﮯ الله احب البيتزا لدرجه الجنون وخصوصا بيتزا التونه. كل ما اسافر ﻻزم اطلبها واخر مره كلتها في جزيره موريشيوس ,بس كل ما اروح مطعم بيتزا في دبي يقولون ما نسوي بس زين يوم حصلتي هذا المطعم ومشكوره على المجهود الي تقومين فيه .

  2. ما شاء الله عليج..^ـ^

    تعجبني هالانواع من مطاعم البيتزا..احس طعمها اخف واحلى عن بيتزا هت او دومينوز…

    يعني عادي تاكلين بيتزا كامله ولا تحسين بالشبع..وتحسين ان صدق تاكلين بيتزا ايطالية ١٠٠٪

    ما جربت هالمطعم بعدني بس جربت مطعم ثاني اسمه بيزارو Pizzaro

    موجود في دبي وابوظبي،،،

    وبالتوفيق…^ـ^

    1. والله إنك صادقه .. فعلاً هذا هو الوصف إننا نقدر نآكل بيتزا كاملة ولا ينشبع منها ..

      وكيف بيزاريو – Pizzaro .. زين وتنصحين فيه ؟