تغطية المطاعم

مسلسل البرجر .. بس هالمرة مع الرطوبة !!!

اليوم فكرت كمان أروج آكل برجر .. مدري وش جاني عليه .. من عقب رمضان وهذا حالي ما غير أفكر في البرجر  🙁

المهم إني قررت أروح آكل برجر وفيه 3 أو 4 أو أكثر من الخيارات يعني فيه برجر فيول و فدركرز و جورميه برجر كنشن وبيست برجر فور إيفر و جوني ركتس .. وطبعا فيه تشيلي و فرايديز  وبرجر مور الشهير وبرجر حق بيكر أند سبايس .. وهذي كلها خيارات منطقة المارينا ..

ويوم نزلنا .. يعني ما أقدر أوصف لكم وش كان مستوى الرطوبة .. على طول فتحت الآي فون بشوف برنامج الطقس لقيت إن درجة الحرارة 35 درجة ولكن إحساسك في الجو يالبني آدم مثل 46 درجة بسبب الرطوبة الشديدة .. شوفوا الصورة وهذا الكلام الساعة الحين الساعة 10 المساء !!!

وكمان شوفوا الصيدلية و واجهة محل جنبها من الرطوبة:

 

 

نرجع لموضوع البرجر وقلت بجرب شي ما قدر جربته وكان الخيار لـ “برجر فيول” اللي في بحر في ممشى الـ “جي بي آر – JBR” .. !

رحت وطلبت تشيز برجر وفرايز وكوكاكولا .. مممممم .. هو ماهو شين ولكن ما هو التيست اللي أنا أحبه .. يعني يمكن يحبونه ناس لأنه جيد ولأن الناس أكيد  أذواقها تختلف .. بس يمكن الصوص فيه ثوم كثير .. عشان كذا ما استسغته مره .. أو يمكن نوع اللحمة ما جاز لي ..

المهم إن التجربة ما عجبتني ..

قولولي رايكم فيه لو كان فيه أحد قدر جربه !

 

مقالات ذات صلة

4 تعليقات

  1. يا حبيبتي إنتي .. أتوقع حتى لو رحتي أي مكان ثاني ما راح يعجبك البرغر حقه هلول لأن الرطوبة ميعت قلبك ): و ميعت قلبي أنا بعد ): ):

    1. والله يمكن .. الرطوبة كانت لا تطاق .. وعلى الرغم من إنها لا تطاق .. بس سبحان الله أهون من الغبار اللي يلعب بصدورنا لعب !!

  2. أولا أقول الحر ولا الرطوبة ، لأنها قاتلة وتهبط من المعنويات:(

    ثانيا أنا شخصيا أفضل من كل ما تم ذكره بيرغر كينغ ، مع تجربتي لجميع المطاعم بس ما ادري ليش أحبه وأحس أنه مافي من بعده
    :))

  3. برجر فيول- احبه بالخبر لي ذكريات حلوة معه وماحب اكله الا بالخبر مدري ليه خخ

    التوب ٣ في عالم البرجر
    برجر بوتيك-شيك شاك-برجر فيول

    هالمطعم اشوف طعمه جميل جدن.. ويبدع بالنكهات الغريبه ويضبطها .. مافكرتي تطلبين حشوة جريئه اكثر ؟؟ 🙂