تغطية المطاعم

ألذ سمك سلمون مشوي تذوقونه في دبي

بدون مبالغة .. لين قلت لكم إني ذقت سمك سلمون مشوي في “جونز ذا غروسر – jones the grocer” في دبي

وأعتبره من ألذ أطباق سمك السلمون المشوية اللي أكلتها في دبي .. مره مره مره لذيذ .. طبعا هذا الكلام للي يعشقون سمك السلمون مثلي سواء مشوي أو مدخن ! لأني في لندن ما أستغنى عن ساندويتش السلمون المدخن اللي في جوز كافيه Joe’s Cafe يجيب العافية بصراحة.

المهم نرجع للسلمون المشوي اللي في جونز ذي غروسر .. أنصح اي أحد يجي لدبي يروح له هو موجود على شارع الشيخ زايد قبال مركز تايم سكوير

واللي راح له وجربه يقول لي 🙂

مقالات ذات صلة

7 تعليقات

  1. يا عـــيــــــــــــنـــي ما شاء الله لا قوة إلا بالله .. والله إنتي اللي حببتيني بسمك السلمون يا هلا أنا زمان ما كنت آكله بس جربته بناء على نصيحتك ومرة عجبني !
    المطعم اللي عنده أحلى طبق سلمون عندنا بالرياض هو مطعم أنثوريوم اللي جنب مطعم بيتزا روما .. بصراحة طبق السلمون عندهم خيالي .. ويحطون لك هالبطاطا المهروسة داير ما يدور الصحن .. اللللللله أكبر .. باين إني لسا ما فطرت صح هههههههههههه
    إن شاء الله في أقرب فرصة اكون فيها في دبي نروح لجونز ذا غروسر ..
    والعزيمة علي D : وعن محد حوووووشششش ههههههههه قولي اللي يسمعك يقول عازمتني على سكيينغ في غشتاد ..

    1. لمى من جد .. روعه .. لأن دايم السلمون لما يكون مشوي يكون فيه زفره شوي بس هذا مافيه زفره أبد ..

      ان شاء الله أو ما تجين نطمر له من غير شر 🙂

  2. السلام
    ابي اعرف مكانه بالضبط
    اللي اعرفه على طريق الشيخ زايد ،،،بس وش اقرب شي عنده معروف ؟

  3. عزيزتي هلا ؛ انصحج تجربين مطعم بحري اسمه “الأخطبوط” في إنارة الشارقة ؛ ما يتوه ، ويمكنك الاستعانه بجوجل ماب.

    المهم ؛ من وجهة نظري اجمل و اطيب سلمون مشوي ممكن تجربينة خاصة ان سعرة خرافي لا يتعدى ال٥٠درهم وحجمة كبير ويقدم مع السلطة والارز الابيض. و الاهم من هذا كله انه فرش وطازج وحصاد استيراد قريب وليس مجمد ومحفوظ لمدة طويلة كما تفعل بعض للمطاعم.

    الجدير بالذكر ان المطعم مشهور لكنه بسيط وصغير ، لكن يستحق التجربة للنسبة للسلمون.