وصفات

غداكم .. سمك سلمون

أمس لأول مرة نطبخ سمك سلمون في البيت هوم ميد يعني .. بالعادة سمك السلمون نطلبة في المطاعم وبما إني أحب سمك السلمون مره فلذلك حبيت إني أعملة في البيت ،، والوصفة أقدر اقول إنها خلطه مجمعه من هنا وهنا ومن كثر ما أشوف برامج طبخ .. عملت السمك بهذي الطريقة وإن شاء الله إنها تعجبكم وتعملونها لغداكم اليوم:

المكونات:

2 فيليه سمك سلمون منزوع الشوك .. أنا أخذته من ديلي غورميه وبصراحة مره طيب.
2 ليمونه
1 بطاطا
1 كوسة
1 جزره
1 فليفلة أي لون (خصرا، حمرا، صفرا، برتقالية) على كيفكم
10 أو 15 عود كزبرة
قطعة صغيرة من الزنجبيل الطازج
3 فصوص ثوم
زيت زيتون
ملح – فلفل أسود – إكليل الجبل
ملعقة طعام ماسترد
ملعقة طعام كبّر

طريقة العمل:

نقطع البطاطا والكوسة والجزر والفليفية لمطعبات جدا صغيرة وكمان نفرم الكزبرة وكمان نفرم فصين ثوم ونخلط كل المكونات مع بشر الزنجبيل عليهم وبشر قشر الليمون والكبر ونرش الملح والفلفل الاسود .

نضع في صحن شوية زيت زيتون وشوية ليمون وملعقة الماسترد وفص الثوم بعد فرمه وأكليل الجبل ونخلط الخليط كله وبعدين نجيب فيليه السمك السلمون ونتبله من الجهتين بالخليط.

نجيب صاج ونضع شوية زيت زيتون فيه ونسخن الصاج وبعدين نضع فيليه السمك السلمون ونتركه بس دقيقه أو أقل بس عشان (يتشوح على ما يقولون) وعشان السمك يحتفظ بالنكهه بعد ما ندخله الفرن.

نجيب صينية ونفرش مكونات الخضروات اللي جهزناها في أرضية الصينية وبعدين نضع عليها فيليه سمك السلمون والليمون نقطعه لشرائح ونضعه فوق ونغلف الصينية بورق القصدير ونضعها في الفرن على نار متوسطة إلى عالية لمدة 45 دقيقة .. بعد مرور 30 دقيقة نفتح الفرن ونرفع ورق القصدير ونتركه للمدة الباقية وهي 15 دقيقة عشان يحمر على نار متوسطة.

وبيطلع الطبق مثل الصورة بالضبط والطعم ولا ألذ ولا فيه لا زفرة سمك ولا شي 🙂

وبالعافيه على قلوبكم

6 تعليقات

    1. سلّمك الله ، العزوبي يدل السوبر ماركت ويعرف يشتري كل المكونات .. همن يعرف يفسر عن ذرعانه .. ويسوي مثل الطريقة الله قلتها .. ويتهنى 🙂

      وترا سمك السلمون مره مفيد وينصحون إن الناس تاكله..

      وإذا قعدت على الخبز والجبن الله يعينك .. بيمسك بطنك .. لازم خضروات وسمك والأمور هذي ..

  1. هو يا هلااااااااااااا !!!!! مير غدانا عندك يبوووي !
    وش هالجمال وش هالفن وش هالذوق يا عيني عليك يا هلول ما شاء الله تبارك الله تخقيق ،، ست بيت أد الدنيا بالصلاتو على النبي ربنا حارسك و صاينك .. قولي معد صار سلمون صارت بصارة
    هههههههههه
    المهم أنا وسلوم عزمنا أنفسنا والله الله يا وخيتي واحد اتنين تلاتة ؤدبخ .. الصورة تنطق ما شاء الله ،، ولا الليمونة المنفغصة على اليسار أسفل الصورة ،، تناديني
    تناديني تناديني تذكرررررر

    1. حياك الله وإن ما شالتك الأرض أشيلك في عيوني 🙂
      يمه خفت من الذرابه الزايده ههههه
      إبشري يابنت أبوحبيب .. الغدا يحتريك إن شاء الله وأحلى سلمون لاحلى لولو في المنطقة وصلحووووا .. بصاره صدق هههههههه