أعشق هالنقشه اللي على المواعين الحديد مثل الغضارة أو الابريق أو بعض الأواني اللي تكون نقشتها مثل النقشة اللي في الصورة .. وطبعا مرسوخة في الذاكرة ومربوطة بفصل الشتاء لأن كان يكثر استخدامها من أول في البر أو حتى في البيوت عند الوجار.
ويوم سالت عنها قالو هذي النقشة كانت تجي من روسيا أو أوروبا الشرقية يعني يوغسلافيا وماجاور..
وفيه كمان نقشه ثانية وهي النقشه اللي على الصندوق الحديد .. اللي كان عند أغلب جداتنا ..
وهذا شكل الصندوق وكانوا يسمونه ترنك زي الإنجليزي Trunk بس ما لقيت في النت إلا الساده أما اللي كان مرسوم ومنقّش ما لقيت مثل النقشه بالضبط ..
بس تقريبا كانت مثل كذا :
تكفون اللي عنده صورة صندوق قديم ونفس النقشة اللي كانت جداتنا يستخدمونها يحط لنا الصوره نشوف!
وكانت أغلب النقشات باللون الأحمر وبعضها أخضر أو أزرق وكانت مره حلوه..
الزين في ذاك الزمان إن كل شي كان أصلي ما كان فيه تقليد ولا كان فيه بلاستيك كانت الجودة فائقة مو مثل الحين الشي تستخدمه مره وحده وينكسر من رداءة الصنع .. أغراض أول كانت تكرف مع جدودنا ولا جاها شي لكن الحين كل شي ماله قيمة..
