ثقافة وفن

صح عليكم يا الصحيفة .. وغلط عليكم يا المدونة !!! الحقوق لاهنتوا الحقوق !

اليوم قريت في مدونة بنات زايد إن  “صحيفة الرؤية الاماراتيه تنقل خبر عن موقع بنات زايد” وبالفعل قاموا صحيفة الرؤية الإماراتية بكتابة الخبر في منتداهم .. والجميل في صحيفة الرؤية إنهم أشاروا إلى الخبر إلي إنه من مدونة بنات زايد  “شاهد: سيارات شباب الخليج تزعج سكان الأحياء الراقية في لندن“.. ولكن في المقابل اللي ما هو جميل هو الخبر اللي في مدونة بنات زايد .. مأخوذ من صحيفة سبق السعودية بدون أي إشارة للصحيفة !! وأساس الموضوع هو من وكالة رويترز العالمية .. ولكن الخبر المنقول لمدونة بنات زايد هو اللي بصياغة صحيفة سبق ..

واللي خلاني أكتب هذا الموضوع إنهم كاتبني عنه يعني كاتبين إن صحيفة الرؤية تنقل خبر عن مدونة بنات زايد .. طيب أنتم عارفين إن مو أنتم اللي كاتبين الخبر !!! كيف كذا ؟؟

أبد ما حبيت الموضوع هذا الشي يصدر من المدونين .. وخصوصا إن المدونات لازم تحترم حقوق المواقع الأخرى ولازم يسود بين المدونين المصداقية ..

ما فيها شي لو كتبو في آخر الخبر “سبق” وش كان بيضرهم يعني .. بس حنا نقلنا ثقافة المنتديات للمدونات وكل من يكتب أي شي وبدون إي مصدر .. مع إن أول شي يتم تعليمه لنا هو عدم النسخ .. وإذا كان غير معروف المصدر فيه هاشتاق #repost.

ياليت يكون فيه إلتزام أكثر من ناحية المصدر للخبر .. لأن من جد .. شي غريب إن ممكن يتم أخذ حقوق الآخرين بدون أي إشارة للمصدر، والسبب غير معروف .. ليه يعني ما يتم الإشارة للمصدر .. لو هو بيان أو نشرة صحافية .. ما قلنا شي .. هم يرسلونه عشان يتم نشره عشان الترويج .. بس لو هو جهد آخرين .. هنا فيه مشكله !!

مقالات ذات صلة

25 تعليقات

  1. شكرا للهجوم

    نحن نوهنا اكثر من مره ان اخبارنا منقوله من صحف محليه وعالميه
    وان فقط الاخبار التي تكتب قبلها “بنات زايد” هي التي تكون مكتوبه من قبلنا

    وهذا ما تفعله كل المدونات والصحف التي تاخذ محتوياتها من مدونات اخرى ولكن الهجوم فقط ياتي للمدونات الناجحه

    هجومكم دليل نجاحنا

    ولكن للاسف اتى هذا الهجوم من موقع كنا نكن له مشاعر الاخوه والاحترام

    وا اسفاه

    1. هذا ما هو هجوم ..
      هذا رأي حسب معطيات عالم التدوين
      وأول مرة أسمع إن اللي ما ينكتب عليه اسم يكون للغير واللي مكتوب عليه اسم يكون للشخص اللي كتبه ..
      حسب علمي يجب التنويه للمصدر وإلا يعتبر Plagiarism حسب ما هو متعارف..

      وأرجع وأقول إنه ماهو هجوم .. هو رأي ولكن حنا يالعرب ما نقبل الرأي الآخر بتاتاً وكآن اللي قال رأيه أصبح عدو .. لا حول ولا قوة إلا بالله

    1. أنا والله ما أبغى شهرة لأني لو أبغى شهر .. أي شركة PR تقدر توفرها لي وبمقابل ..

      وترا ما طعنت أحد في ظهره لأني أنا ما أطق الطار مقلوب ..

      أنا كتب الموضوع هنا في مدونتي وعلى عينك يا تاجر ..

  2. كما يجب عليكم ذكر جميع المدونات التي تنقل من الصحف للمصادقية

    ام من السهل عليكم الجهوم على مدونة للفتيات و من الصعب عليكم مواجهه مدونات شبابيه؟

    نتمنى العدل

    وعكس باقي المدونات … نحن نوهنا في حساباتنا اكثر من مره وليست مشكلتنا لو انكم لا تتابعوننا في تويتر وغيره

    بانتظار موضوع خاص بالمدونات الكويتيه والسعوديه والاماراتيه الاخرى التي تنقل الاخبار على احر من الجمر 😀

    1. أنا كنتب موضوع لأن تم التنويه في مدونتكم إن الصحيفه ناقله منكم وأنتم رجعتوا أكدتوا الموضوع وهذا اللي لفت نظري ..
      وأرجع وأقول هذا ما هو هجوم هذا رأي .. وواضح إن رأيي ما عجبك و لا تتقبلين آراء الآخرين
      ولو تراجعين موضوعي من البداية أنا تكلمت بمنتهى الحيادية والموضوعية ولا فيه أي هجوم ولا أي سخرية .. كما هو واضح في ردك علي اللي بمنتهى السخرية ..

    2. hey,this is my first time in Halla’s blog but I used to read Bnat Zayed blog and after I saw their very very rude unprofessional respond I’m shocked! she said her point of view in a respactful way! you should accept criticism with grace and appreciation

  3. صح كلامهم وانتي غلطتي واذا كنتي حابه تنصحي. في اختراع اسمه ايميل او كتابه من دون ذكر اسماء

    ما عندك اسلوب و انا اتابع الاخوات في التويتر و اهم ذكروا هذا الشي

    انصحك تحذفي الموضوع ولا تكبرين اكثر من اللازم

    1. المسألة وما فيها هي توضيح لأبجديات الكتابة اللي ترتكز على إن أي خبر يتم ذكر مصدرة مش بيان توضيحي وبس .. هنا النقطة اللي أتكلم عنها

      وليه إنتم ما خذين المسألة إنها نصيحه هي مش نصيحة هي لفت نظر لمسألة منتشرة كثير في النت وبنات زايد نفسهم يقولون إنهم على أحر من الجمر إنهم يشوفون لي موضوع عن مدونات ثانية تنتهج نفس أسلوبهم

      وأن إن شاء الله إن شفت مدونة ثانية تخترق الحقوق وتنسخ وتلصق المواضيع أو الأخبار دون ذكر المصدر في أسفل الموضوع راح أكتب عنها.

      وبخصوص إني أحذف الموضوع .. أنا ما غلطت في شي عشان أحذفه .. والموضوع ما هو كبير ولا شي هو فقط توضيح للحقوق وبس

      وبخصوص إن ما عندي اسلوب هذي وجهة نظرك ..

  4. اول شي انتي ما تذكري مصادر اللي اخذتي منها الصور ومقاطع الفيديو

    ثاني شي عندك مجلس دبي يحط اسمه على كل الصور حتى من الديلي ميل و ما يذكر اي مصدر

    عندك كما سينيار و كويت بينق

    ولا تخافي منهم لانهم شباب؟

    يالله ورجينا شطارتك يا جماعه الامر بالمعروف والنهي عن النكر ههههههه

    حتى مواقعك التانيه ما تذكر المصادر

    انا ما اشوف انهم نسبوا المواضيع لانفسهم بش انتي نفسك مريضه تتخيلين اشياء

    هههههه سعودية فاضيه اتحداكي تكتبي عن المواقع الاخرى

    1. الصور والفيديو معروف إنها من النت لأنها من يوتيوب وغيره

      والله يعطيك العافية علمت،ني عن سينيار ومجلس دبي وكويت بنق .. بآخذ لفه عليهم وبكتب عن مشاهدتي وملاحظاتي عليهم

      وليه أخاف منهم .. الموضوع ماهي حرب ولا هو عداء هو مجرد وجهات نظر

      وترا السخرية ما هي زينه
      ولا توقعت إن يكون الرد علر وجهة نظر بهذي الطريقة بأنكم تتمسخرون على إني من جماعة الأمر بالمعروف والنهي عن المنكر
      لا حول ولا قوة إلا بالله

      ولا كنت أظن إن ينقال علي سعوديه فاضيه .. الله عليك ..

      وإن شاء الله إني بكتب عن كل شي أنا أشوفه ..

  5. هاها والاخبار معروف انها من الجرايد

    يالله ورينا شطارتك على المدونات الكويتيه والاماراتيه والقطريه وغيرهم رئيسه الهيئة

    هههههاهااااي

    1. لا حول ولا قوة إلا بالله

      صدقيني ما هي شطاره هو مجرد رأي وشكلكم ما تفبلتوه أبد وواضح من السخرية المفتعلة

      وواضح إن كلامي جاي على الجرح وإلا ما كان الرد بهذي القسوة والصلافة !!

  6. بصراحة ما عندك سالفة بس شطارتك على البنات , علاقل مدونتهم مشهورة مو مثلك تكشين الغبار و الذباب , نصيحة خلك في حالك و خرابيطك

    1. مدري وش قصة العيال معكم ليه حارقين رزكم ؟

      ترا ما فيه فرق .. بس إذا كنتم أنتم تحسون هذا الاحساس هذا شي راجع لكم !

  7. Plagiarism

    هاهاها ضحكتيني … حسستيني ان نحن في جامعه يا عميده الكليه هعاهاهاهاهاااي

  8. صلو على النبي ،، طيب ،، زيدوا النبي صلاة ،، اذكرو الله ،، ياجماعة الاختلاف لا يفسد من الود قضية ،، والتنوية من قبل وين دوت مي هو لحفظ الحقوق والمصداقية الفكرية والادبية ،، لان المفكر يملك سلاح في عقلة يغلب فيه اقوى أنواع الاسلحة الاخرى ، فلابد من الحرص على ذكر مصدر الخبر وكاتبة مع التنوية والاشارة لذلك ، وهذا الشيء يدعوا قارئ المقال ان يتعرف على المصادر مع الاهتمام بالناشر ، والرجاء من الاخوة عدم المجادلة ،، وانصحُ كتاب مدونة وين دوت مي والتي احرص على متابعتها بعدم الخوض في جدال لا نفع منه والتفرغ لكتابة مواضيع جذابة كالعادة ..

    والله الموفق ..

    1. اللهم صلي وسلم على سيدنا محمد ..
      لا إله إلا الله ..

      بالضبط .. الإختلاف لا يفسد من الود قضية

      بس الظاهر إنه يفسد عندنا حنا يالعرب .. اللي ما نتقبل إن أي أحد يعطي مجرد راي في مسألة عامة..
      وغصب لازم تتحول لمسألة شخصية ولازم تصاحب الردود السخرية وتهكم ..

      وجزاك الله خير على المداخلة الجميلة..

      وإن شاء الله بنهتم بالمواضيع اللي تسرّ وتفيد الجميع 🙂

  9. الموضوع كل ما داعي موقع هلا مميز ويفيدني اكثر من المواقع الاماراتيين لان شغلهم كوبي بيست اما موقعكم من تجارب شخصيه وتصوير شخصي

  10. بصراحه يا اخت هلا انت افضل من يكتب عن دبى ،، افضل من مدونه بنات زايد اللى تكتب عن كل شئ بلا تخصص ،،، وعندك حس صحفى غير مو جود فى مدونه بنات زايد ،،، اتمنى منك عمل مجله شهريه سياحيه عن الخليج عموما ،، عن دبى خصوصا،،،،، لو تجربين وتروحيين شركه فى ابوظبى اسمها 52 تساعد الشباب الواعد مثلك ،،،،،،، فى انتظار الرد،،،،،، ابو وليد الكويتى