ثقافة وفن

أول مرة في رمضان ما أتابع والسبب !

من قبل كنت عاملة نظام إني أتابع 3 مسلسلات في رمضان وعلى النحو التالي : واحد تاريخي وواحد مصري وواحد خليجي ،، وبعدين أسقطت الخليجي من الحسبة وصرت أتابع مسلسل بس مسلسلين .. تاريخي ومصري في رمضان

وهالسنة ما تابعت ولا مسلسل .. تفرجت أول أسبوع .. والحين توقفت .. بس يمكن يكون كذا أحسن بشوف وش اللي يطيرون به الناس وعقب ما ينتهي رمضان أتفرج عليه برواق ..

أو يمكن أول كنا نتفرج على المسلسلات وحنا واثقين إنها بدون اي هدف أو أي توجه فكري..

الحين نتفرج وحنا على يقين إن المسلسلات لها أهداف ولها أغراض معينة ولها توجهات فكرية .. يعني ما صارت مثل أول..

أو يمكن السبب الألمبياد !!!

مقالات ذات صلة

2 تعليقات

  1. أنا مثلك هلول .. أول كنت أحرص إني أتابع مسلسل أو مسلسلين .. وغالباً كانت لوداد الكواري .. بس هالسنة من كثر الإعلانات و ما بين الغث والسمين على قولهم ما تلاقين لك شي تتفرجين عليه .. صارت المسلسلات نوعين: إما مسلسل متعوب عليه لكن له توجه معين مثل ما قلتي .. والنوع الثاني مسلسل مسلوووووق سلق عشان بس ينعرض خلال رمضان.. مشاهده مفتعلة وكفوف و صياح و طقني و أطقك و حبني و أحبك وشي فعلاً يضيع الوقت على غير فايده

    1. يا زين مسلسلاتها وداد من أول بس من تالي كن افكارها خلصت !
      أو إن قمة توهجها كان مع المخرج المقله اللي كان له بصمة واضحة في العمل.

      مير خيره ما تابعنا .. مافيه شي ينبكى عليه..