رحنا تغدينا من فنرة في مطعم صيني جديد “Chop Suey شوب سوي” توه جديد في دبي، المطعم ديكوراته مره جذابه واللي يميزه إنه ماخذ الستايل الأمريكي والتغليف عندهم مره جذاب ذكرني في مطعم في الرياض في بنده هايبر ماركت العزيزية اللي اسمه “Yummy Wok”.
ديكور المطعم عصري، شبابي، بسيط و مريح والخشب اللي مستخدمينه جميل ومنسجم مع الكراسي الحديدية الملونة والجدرات كمان معمولة بطريقة حلوه مع الصور اللي فيها أعطت المكان ثيم مميز ورشيق.
نجي للأكل اللي عجبني ومره لذيذ سواء من المقبلات أو الأرز كلها كانت شهية والجميل إنها أكثر صحّية من المطبخ الصيني التقليدي والأطباق تحضّر من مكونات طازجة و منتجات منخفضة الصوديوم و خالية تماماً من الغلوتامات أحادية الصوديوم.
وسعدت بلقاء أصحاب المطعم السيدة “ديانا دبلي و السيدة “دينا سباهي رفاعي” اللي دردشت معهم و تكلموا معي عن المطعم وعن الصداقة اللي تربط بينهم من قبل الشراكة اللي تجمعهم الحين.
واللي عرفته إنهم شغوفات بالطبخ وخصوصاً المطبخ الصيني وقالوا لي إن سبب إفتتاحهم المطعم إنهم مالقوا مطعم في دبي يكون فيه الطعام الجدي بجو مريح مثل اللي موجودة في كاليفورنيا، ومن هنا كانت البداية جا بعدها إختيار المكان الإستراتيجي في قلب دبي في جميرا وقريب من البحر.
ومع خبرت كل من “ديانا” اللي تعمل في مجال الضيافة لأكثر من 20 عام، وهي متخصّصة في البيع والتسويق وقد عملت مع عدّة مطاعم. أمّا “دينا” فتعمل في مجال الإعلام من أكثر من 10 أعوام، وقامت بتقييم عدد ما تحصى من المطاعم لصالح الكثير من المجلّات. ومع هذي الخبره أسسوا المطعم الصيني “Shop Suey” اللي يرتكز على نفس نوعية طعام المهاجرين الصينيين لأمريكا وبعدها وإنتشر في العالم.
وعنوان مطعم مطعم شوب سوي في الطابق الأرضي من مركز بيتش بارك بلازا على شارع جميرا، في منطقة جميرا 2 مقابل حديقة شاطئ جميرا. وتُعتبر أجواؤه المريحة والباعثة على الاسترخاء مثالية لتناول وجبة سريعة برفقة الأصدقاء. فتح المطعم أبوابه الآن لتناول الوجبات فيه وتقديم خدمات توصيل الطلبات أو أخذ الوجبات.
والحلو أنهم يقدمون خدمة التوصيل لدبي بطريقة تغليف جذابة تشابه الموجودة في أمريكا وللإتصال لخدمة التوصيل، هذا هو الرقم : 043442212