من المقاهي المميزة في دبي ( بانتري كافيه – Pantry Cafe )  اللي تتخدم من الوصل سكوير مكان لها وبالتحديد في الزاوية بن شارع الوصل وشارع الحديقة .. ومنطقة الوصل سكوير مرة مميزة والمطاعم والبوتيكات اللي فيها جميلة وكونها تطل على حديقة الصفا .. هذا شي بحد ذاته جميل جداً.

بتكلم الحين عن المطعم أو المقهى نفسة اللي كل مافيه جميل ومميز بداية من الديكورات العصرية الجذابة والمتناسقة وطريقة عرش الحلويات تشهي بصراحة وكمان فيه جدار كامل عارضين عليه أدوات للمطبخ والسفرة وهي للبيع .. ذكرني شوي بـ ( جون ذا غروسر – jone the grocer ) ..

رحنا تغدينا بالمطعم وكان وقت عصر .. دايم أنا أتغدا متأخر .. متعودة على كذا وكمان المطاعم تكون أهدا شوي .. طلبت برجر .. مره يمي .. من جد لذيذ جداً ومن الطلبات سمك السلمون بالطريقة الهندية .. ما جربته بس حسب رأي اللي أكلته تقول إنه طعمه زين .. المكان مريح وهادي  وفيه قعده خارجية جميلة وكمان فيه واي فاي مجاني يعني يصلح لو أحد وده يروح يتكي بـ اللاب توب أو اي جهاز لوحي .. لأنه مكان يقدم أكل لذيذ وديكوره جميل وخدمتهم مش بطاله ..