من خلال جلستي في ” فوغ كافيه – Vogue Cafe ” حسيت كني في سيلفريدجز لندن .. يمكن لأنه داخل ستور .. مدري بس جاني مره هالإحساس وهو إحساس جميل وإلا ما كان طقينا تذاكرنا ورحنا لندن .. مير يوم ذكرت لندن زان بالي ..

نرجع للكافيه اللي توه فاتح في دبي وبالتحديد في ليفيل ملتقى الأحذية في دبي مول .. المكان مره حلو وديكوراته متناسقة مع ثيم المتجر ككل .. الخدمه فيه مميزه وعجبتني وإن كانت بس من الجانب النسائي اللي حسيت إنه مدرّب أكثر من العنصر الرجالي اللي ما كانوا على المستوى المطلوب .. و ولكن إهتمامهم كان محل تقدير ..

والحين بتكلم عن أهم ضلع من أضلاع المثلث اللي لازم تتوفر في أي مطعم عشان نقول عليه ممتاز .. اللي بنظري أنو أي مطعم يستند على ثلاثة أضلع وهي جودة الأكل والديكورالجذاب والخدمة مميزة .. بدون هذي الثلاث عناصر أتوقع ممكن إن يكون فيها وفيها ..

الأكل لذيذ .. أنا جربت البرجر عندهم .. أقدر أقول إنه جيد جداً  .. وأصدقائي طلبوا سمك سلمون وساندويتش كراب وساندويش دجاج بالبيستو  وشوربة قرع وشوربة تايلندية وسلطة خضراء.. وكلهم اثنوا على جودة الأكل .. يعني في فوغ كافيه العناصر كلها متوفره لأن الأكل لذيذ الديكور جميل والخدمة نقدر نقول إنها جيدة ..

يعني بالمختصر المفيد أنصح بشدة لكل اللي يجون دبي إنهم يجربونه لأن من جد يستحق الزيارة..

vogue-cafe-dubai2