كثير منّا يعرف إن مطعم “ذي تشيز كيك فاكتوري – The Cheesecake Factory” فتح له أكثر من شهرين في دبي مول قبال الأكواريوم.

وخلال هالشهرين حاولنا نروح له ولكن في كل مره يقولون لنا إنتظار ساعتين أو ما عاد فيه مكان لين ما يقفل .. وهكذا دواليك على ما يقولون .. يعني الحظ كان عاثر .. ولكن قبل كم يوم رحنا وقلنا خلينا نجرب حظنا وناخذ البيجر وننتظر وبالفعل قالوا لنا إنتظار نص ساعة وعطونا البيجر ورحنا لمحل ملتقى الأحذية “ليفيل – level” اللي توه فاتح .. وما مرت نص ساعة إلا والبيجر مدهر علينا .. رحنا وقعدونا في الطاوله اللي عند الباب .. بصراحة مره أستاذينا لأن كل من قام يمر يطل في الأكل ..

ما أنصح اللي يروح إنه يقعد في الطاوله اللي قعدنا فيها .. !

نجي للأكل .. اللي شفت إن مستواه مرة عادي وعادي جداً والسعر مره غالى وغالى جداً على مستوى الأكل !!

ووبالنسبة لي أنا أول مرة أجرب مطعم ذي تشيز كيك فاكتوري بس المجموعة اللي معاي كلهم قد جربوه في أمريكا، وقالو نفس الشي مافيه فرق واجد بينه وبين اللي في أمريكا..

بس عن نفسي ما أظن إن لي زيارة للمطعم  قريبة يمكن بعدين.. يعني على ما كثر ما إنتظرنا على ما نجربة وعلى مدحه في معظم المدونات إلا إني أشوف إنه OVERRATED.

أو يمكن حنا ما توفقنا في الطلبات أنا إخترت الباستا الأشهر عندهم وأبد ما عجبتني وكمان جربت برجر من السلايدر بس برضوا ما عجبني .. السلطة كانت لا باس بها ..

تقييمي للمطعم 7 من 10

وأبشركم هذي هي الطاولة النكبه اللي قعدنا عليها ..