وش اقول غير أنه فطور ! بس الساعة 2 الظهر 🙂 تخبرون فطونا يالسعوديين غير هههههه .. المهم إننا قبل كم يوم رحنا لـ “لادوريه – Laduree .. اللي في مركز سنتريا دايم نروح نتقهوى فيه .. بس .. بالايام اللي يكون فاضي مش زحمه لأن لين صار زحمة ماعاد ينبغى .. وكان المطعم شبه خالي .. وبما إني الحين صايره أكتب في مدونتي فقلت لازم اشارككم التجربة و الصور..

التجربة جميلة والمكان مريح والخدمة جديدة .. إلا إن كان فيه جنبنا رجال سعودي مع زوجته وعياله صجونا عياله وهو متشنج .. ويوم قال له الجرسون : خل عيالك يركدون وهو عربي الجرسون .. ما بغى إلا عمره وقام يكلمه بالإنجليزي .. طيب الرجال مصري تكلمه إنجليزي ليه ؟ .. ويوم مره عصّب قام طلع الحكي السعودي .. تخبرون الخمش ما يطلع إلا بالسعودي .. اللي يقهر إن الجرسون ماقال ولا شي المسيكين .. يرفع صوته ذا السعودي وضعيّف الله يهز راسه فوق وتحت 🙁

مير ذا السعودي يمن عليه و يقول له بالإنجليزي : ” Is it your home؟ .. السؤال المفروض يكون بالعكس يعني المفروض يوجه للسعودي هو بيتك عشان تخلي عيالك يشغلونا !

نكد علينا بس الحمد لله إنهم كانوا على آخرهم يعني طلعوا وقعدنا حنا .. لأن طاقتهم كانت فيها شحنات سلبية وأثرت على كل الموجودين في المطعم .. لدرجة أنو جت عيلة وقعدوا في الطاولة اللي جنبهم على طول ولا قدر يكملون يعني جلسوا شوي وسمعوا اللي سمعوه ولا بعد أمدا يجيهم المنيو على طول ضف مرته وعياله وقاموا .. عز الله إنهم عقّال.

أنا مره ضاق صدري إنه يكلم الجرسون بهذي الطريقة وبهذي النبره .. حرام عليه مش عشان ربي مرزقه يقول يتفرعن على خلق الله اللي حالتهم متواضعهة و أقل من حاله ..

المهم ماعلينا من هالسالفه الكئيبه وأترككم مع صور الطعام اللذيذه .. مع ملاحظة أنو الأومليت مره شكله غريب كنه مخده من كثر ماهو أملس ههههه والسلمون لذيذ ولكن ثقيل شوي