من المطاعم اللي أنصح دايم بزيارتها .. مطعم كويا دبي الموجود في فندق فورسيزونز جميرا بيتش .. ووقت الغدا هو الوقت المناسب للذهاب له لأنه يكون رايق والإطلالة على المشهد البانورامي لمنطقة وسط دبي وبرج خليفة واضحة في النهار مع دخول الشمس للمكان وتبرز الديكورات الرائعة المتناسقة.

المطعم بيروفي والمأكولات اللي فيه من جايه من دولة بيرو بأمريكا الجنوبية وهذا المطبخ الحين يلاقي رواج كبير لانه يجمع بين الشرق والغرب مع مزيج رائع من النكهات.

والمطعم يجمع عناصر المثلث اللي لين أكتملت يصير المطعم عشرة على عشرة وهي أن الديكور يكون جميل والخدمة لطيفة والطعام لذيذ وكويا بالإضافة إلى كل اللي قلته كمان موقعة مميز وله إطلالة جميلة على مدينة دبي.

والجميل في المطعم الكميات في الأطباق صغيرة عشان تكون الخيارات متنوعة على الطاولة مثل طريقتنا في البيت .. يعني مثلا حنا كنا شخصين والأطباق 8 غير العصير والقهوة في الأخير.

وفي وقت الغدا عندهم قائمة غداء العمل وهي قائمة تتكون من عدة أطباق بسعر محدد .. وهذا هو اللي حنا رحنا عشانه .. بصراحة استمتعت كثير بالتجربة وانصح الجميع بتجربة كويا المطعم اللي احبه ودايم أتردد عليه في دبي.

والحين أترككم مع القصة اللي عملتها في سناب شات وتصوير كامل للمطعم .. وكما شوية صور للأطباق والمطعم التقطتها بعدستي:

coya-dubai1 coya-dubai2 coya-dubai3 coya-dubai4 coya-dubai5 coya-dubai6 coya-dubai7 coya-dubai8 coya-dubai9 coya-dubai10