المأكولات الأسيوية عموماً أحبها والطعام التايلندي على وجهة الخصوص أعشقه، لأنه يحتوي على بهارات مميزة مع خلط للنكهات مثل الفول السوداني وجوز الهند فيصير طعم الأطباق مره شهي وكمان المكونات الطازجة هي الأساس والمطبخ التايلندي يشتهر بالمأكولات البحرية فدائما الاسماك وثمار البحر متصدرة قوائم الطعام فيها.

والاسبوع الماضي رحت تغديت في مطعم بوسابا إثاي Busaba Eathai التايلندي الموجود في منطقة ذا بيتش القريبة من جميرا بيتش ريزيدنس (جي بي آر JBR)، وهو موجود في الجهة الجنوبية نواحي فندق الشيراتون.

المطعم يتكون من طابقين وفيه بلكونات واسعة في الطابق الأول والثاني ويتميز بديكوره الخشبي العصري والشبابي، نجي للأكل واللي هو العنصر الأهم في المطعم.

في البداية طلبنا العصاير انا اختياري كان شاي مثلج ( آيس تي )، مع الليمون واليمون الأخضر (لايم) والنعناع وصحبتي طلبو عصير الهارافا موهيتو ورارينج آند ريدي.

اما المقبلات فكانت طبق البلاتر الصغير واللي يضم مجموعة من بار-بيا-جاي وجونج تاهد وكعك السمك والسبرينج رول ودجاج الساتاي ودجاج الباندا وسلطة السام تام.

وطبق الكالماري اللي يعتبر من ألذ أطباق الكالماري مع تتبيلة الزنجبيل والفلفل الأخضر.

أما شوربة التوم يام تالاي فهي حكاية .. من جد لذيذة بمكوناتها البحرية من روبيان وسكود وفيش كيك ونودل الفيرميتشيلي مع البهارات الحارة.

وللأطباق الرئيسية طلبنا ريد سنابر وهو سمك النهاش المقلي مع شيلي صوص مع طبق باد تاي وهو عبارة عن روبيان مع صوص وردي مره لذيذ والرز بجوز الهند كطبق جانبي .

وكان الختام مسك مع الحلويات الرائعة واللي هي مانجو ستيكي رايز وهو عبارة عن رز بطعم المانجا وكان مرة لذيذ وكمان كوكونت بانا كوتا.

تجربتنا رائعة في المطعم وأنصح بزيارته وهو من المطاعم اللي ينتكرر له.

وكمان عملت له تغطية كاملة في حسابي على سناب شات وتقدرون تشوفونها على اليوتيوب:

والحين بترككم مع الصور اللي اخذتها للمطعم والأطباق:

Busaba-Eathai2 Busaba-Eathai3 Busaba-Eathai4 Busaba-Eathai5 Busaba-Eathai6 Busaba-Eathai7 Busaba-Eathai8 Busaba-Eathai9 Busaba-Eathai10 Busaba-Eathai11 Busaba-Eathai12 Busaba-Eathai14 Busaba-Eathai15عم