من اسبوعين تقريباً، افتتحت سلسلة مقاهي سيركل فرع جديد في منطقة باي سكوير في الخليج التجاري، الفرع الجديد يشبه في ديكوره الفروع الثانية المنتشرة في مناطق كثير في دبي مثل مدينة دبي للإعلام ومركز دبي التجاري العالمي ومدينة دبي للأستديوهات والمدينة الطبية وجميرا بيتش بلازا سنتر في شارع جميرا.

وبمناسب الإفتتاح تم دعوتي لتجربة القائمة الجديدة، اللي شفت إنها متنوعة وشهية وطبعا ما راح أتكلم عن أجواء المقهى اللي قد وصفته من قبل في هذا الموضوع : مطعم ” سيركل كافيه Circle Café “ في دبي .. وجمال المكان والطعام والخدمة.

وكمان كانت فرصة إن أتقابل مع أصحاب المطعم المؤسسات لها “راما مملوك” و “ميرا النعيمي”، اللي شرحوا لنا فكرة المطعم وكيف أنهم بدأو من أكثر من 10 سنين في دبي يوم وقتها ماكانت متواجدة بكثرة مقاهي الحي أو المقهى الكاجال اللي يرتاح فيه الناس ويكون ملاذ لهم ويتحادثون في أجواء راقية ومريحة مع طعام شهي ولذيذ وخدمة مميزة.

ويتوفر في سيركل كافيه مجموعة كبيرةة من السلطات والساندويتشات اللي بعطها بخبز البيجل النيويوركي وكمان الأطباق الرئيسية والحلويات والمشروبات الساخنة والعصائر.

مقهى جميل جداً وتجربتي فيه جميلة وصورتها فيديو في وقتها لايف عبر حسابي في سناب شات wainblog