أحب الداون تاون لأني أحب دبي وأحب بوليفادر محمد بن راشد لأنه مكان لا مثيل له في العالم، والحين بدأت تفتح فيه مقاهي على سور المدينة القديمة ( قمر الدين والمنزل)، وأحدث مطعم فتح جديد .. هو مطعم ومقهى اسمه ” كرك هاوس Karak House ” اللي يجمع بين الأكل العربي والهندي .. ولكن بشكل جديد ومستنكر .. ما عدا الكرك اللي يقدم بالطريقة التقليدية ويكون في زمزمية (مطارة) عشان الطعم يكون نفس الطعم اللي كأنه معمول في البيت وعندهم الكرك شوي وشويات يعني مره زين.

المكان ديكوراته خشبية جميلة وواجهاته زجاجية كبيرة عشان نستمتع بإطلالته الرائعة على برج خليفة أعلى بناية في العالم والمناظر المحيطة بالمكان تفتح النفس ..

عجبيني مرة كرك هاوس ولين الحين رحت له أكثر من مرة وفي كل مرة أجرب شي جديد ويعجبني .. مثلا جربت الكنافة كانت مستنكرة ومميزة وكمان جربت الطعمية بالشمندر لذيذة وكمان مستنكره 🙂

والبرياني عندهم موزون ومضبوط .. بشكل عام التجربة جميلة جداً وأنصح فيها وخصوصاً إن دبي هذي الأيام هو الوقت اللي نقعد في في الأمكان المكشوفة في الهواء الطلق ونستمتع بالجلسات الخارجية اللي قامت المطاعم تبدع في ديكوراتها بحيث تكون التجربة أكثر جمال.

أترككم مع الصور اللي خذيتها لكرك هاوس:

karak-house-dubai1 karak-house-dubai2 karak-house-dubai3 karak-house-dubai4 karak-house-dubai5 karak-house-dubai6 karak-house-dubai7 karak-house-dubai8 karak-house-dubai9 karak-house-dubai10 karak-house-dubai11 karak-house-dubai12 karak-house-dubai13 karak-house-dubai14