فروع مطعم “كارلوسيو Carluccio’s” تنتشر في كل مكان في دبي وكان أو فرع فتح في دبي مول والله إني أذكر كيف بزيت فيه لأني كنت أشوف برنامجه على الـ BBC Food واللي تغيرت الحين وصارت Lifestyle .. ومن ذاك الوقت سبحان الله ماكتبت عن تجربتي له على قد ما أروح أتقهوى أو أتغدى أو أتعشى فيه!

المهم إني قبل فترة رحت للفرع اللي موجود في دبي مول واللي يتميّز بإطلالته الجميلة على برج خليفة أعلى مبني على وجه الأرض وعلى نافورة دبي الراقصة أعلى نافورة راقصة في العالم.

وطبعاً المطعم مش غريب عليكم لأنه مشهور وشهرته مستمده من الطاهي العالمي “أنطونيو كارلوسيو” .. اللي هو من أسس هذي السلسلة من المطاعم.

وهو مو بس مطعم كمان تتوفر فيه منتجات غورميه من الباستا والزيتون والجبنة البارميزان وسلطات الديلي و المعجنات و الحلويات اللي معروضة ، ومنظرها يشرح القلب.

ونجي نعدد الأطباق الزينة عنهم، البيتزا عندهم لذيذة جداً وكمان طبق الباستا مع كرات السبانخ شهي جداً و الريزوتو بثمار البحر .. عجييييب .. والربيان الجمبو المشوي زين.. وكمان نقدر نطلب بلاتر من ثلاجة عرض الطعام اللي معروض عليها السلطات والزيتون واللحوم الباردة ( السالومي ) بشكل جميل.

دايم ما تكون تجربتي في المطعم جميلة لأنه مكان جميل وطعام شهي والخدمة زينة ..

أنصح بزيارته ..

نسيت أقول إن وحنا في المطعم صدحت أغنية مره أحبها ..

Carluccios2 Carluccios3