يوم الخميس الماضي نصينا الـ “سيتي ووك” في دبي وهو المكان اللي كله مطاعم وقعدات في الهواء الطلق ويعتبر من الأماكن الجميلة اللي يجتمع فيها أي أحد مع أحبابه وأصدقائه .. المهم إننا  أول ما سمعنا إن مطعم “برجر جوينت” فتح فيه .. وللسمعة الكبيرة للمطعم إنه يقدم برجر عجيب .. قلنا ما بدهاش ولازم نروح ونجربه ..

ولكن اللي ماكان في الحسبان إننا نسينا إنه يوم خميس ودايم الـ “سيتي ووك” في عطلة نهاية الأسبوع يكون مرة زحمة وخصوصاً إن الجو هاليومين بديع في دبي فالكل يحب إنه يقعد في الجلسات الخارجية ولكن مع مطعم “برجر جوينت” لا كان فيه مكان لا في الجلسات الخارجية ولا الداخلية ولا فيه ولا طاوله فاضية .. وبعدين لقينا وحده مندعسه جنب المطبخ محد بغاها .. قلنا خلينا نقعد فيها ولا الإنتظار .. بس فينا فينا كان الإنتظار لأن فريق العمل في المطعم من كثر الضغط عليهم ما كان فيه تركيز بالشكل الكافي وما ألومهم الناس مره كثير والمطبخ مره صغير .. اللي حصل إننا طلبنا طلباتنا برجر وفرايز وكوكاكولا .. لأن هذي هي المينيو بالإضافة إلى ملك شيك وبراوني بس ما جربناها  وهذا هو الحلو في الموضوع البساطة .. وإذا كان فيه أحد نباتي وما ياكل لحم عندهم خيار برجر الجبنة المشوية.

كان كلنا حماس للتجربه الجديدة .. بس شكلهم نسوا يجيبون الطلب وكل شوي نسألهم ويقولون لنا أصبروا وإكتشفت إن صبرنا كبير لأننا قعدنا ننتظر أكثر من ساعة ونص تقريبا وبعدين يوم نفذ صبرنا وتكلمنا قام واحد من اعاملين في المطعم فزع الله يجزاه خير لنا الطلب بس الصدمه إنه كان متصلّح من زمان ونسوا يجيبونه وجانا مره بارد مثل الثلج ولا قدرنا نستمتع بالمذاق أبد أبد أبد .. وتبون الصدق .. مره ضافت صدورنا .. وإذا بغيتوا تعرفون مقدار ضيقة الصدر  إني ما صورّت البرجر !!! عرفوا قد إيش : )

بس أنا ماراح أحكم عليه من أول مرة لازم أجربه وهم رايقين وإن شاء الله لي عوده له مره ثانية وبكتب عن تجربتي له وهو فاضي مو زحمة .. لأن أجواءه عجبتني و ديكورات المطعم مره جذابه وبسيطة، كأننا في شارع خلفي من شوارع مدينة نيويورك وحسب ما عرفت إنه مستوحى من “West Side Story”.

ودي أي أحد منكم جربه يعلمنا عن تجربته لا يبخل علينا ..