البارح رحنا تعشينا في المطعم الإيطالي Sapori di BiCE في السيتي ووك وهو المكان الجديد في دبي اللي مليان مطاعم ومقاهي على أعلى مستوى، والتمشية فيه وخصوصاً في هذا الوقت الربيعي متعة لا تضاهيها متعه 🙂

المطعم موجود بالضبط خلف سيفورا يعني على الجهة الشرقية .. وتتميّز ديكوراته بالألوان الفاتحة اللي تفتح النفس صراحة ..

وهذي مو هي المرة الأولى اللي أروح فيها لهذا المطعم لأني قد رحت له من قبل كم أسبوع وكتب عنه في مجلة هي موضوع بعنوان “إيطاليا بجمالها ومذاقها في مطعم “Sapori di BiCE” في دبي” .. ولأن المطعم مميز جداً والأكل فيه لذيذ كان لا بد من تكرار الزيارة، وهذي المرة طلبت الطبق اللي كنت أبغى أطلبة من قبل بس الشيف ذيك المرة إقترح على طبق لذيذ جداً وكان الباستا مع سمك السلمون ..

الدجاج اللي طلبته شهي بس كان شوي ناشف وكثير كثير يشبه الشيش طاووق بس الطاووق أطرى شوي ..

المكان جميل والضيافة مميزة من جدي والمدير واقف على راس المطعم يسأل الكل عن تجربتهم وهذي شي جميل ويبّن مدى إهتمام إدارة المطعم بزباينهم.

والحلو بعد إن يوم الجمعة من كل أسبوع يعملون شي جميل وهي إن الصغار يقدرون يعملون البيتزا بنفسهم وعلى شكل قوالب مختلفة مثل القلب والنجمة وغيرها.

وإن شاء الله المرة الجاية بنجرب الحلويات لأن الحلويات المعروضة كان شكلها مره شهي بس ماكان فيه متسع في البطن لأن الكمية راهية .. ويشكرون عليها : )

تجربة جميلة أنصح اللي في دبي إنهم يروحون يزورون هذا المطعم الإيطالي الجميل.