تغطية المطاعم

كرنفال دبي للمأكولات .. أجواء جميلة ومذاقات رائعة

عطلة نهاية الأسبوع اللي راح بدأ مهرجان دبي للمأكولات بإحتفالية جميلة جميلة جداً اسمها “كرنفال دبي للمأكولات” .. واللي كانت لمدة يومين بس وعز الله إنه كرنفال بكل ماتحمل هذي الكلمة من معنى لأنه ضم العديد من الأشياء مثل أكشاك المأكولات اللي منتشرة في كل أرجاء المكان وبعضها كان تصميمة جداً جميل ومميز وكمان فيه أماكن مخصصة لالعاب الأطفال ومنصات تعريفية وكوبونات تخفيض واشتراك في مسابقة ومسابقات تحدي بين الطهاة و سحب على جوائز و أغاني ورقص وإستعراض.

وأجمل شي مصارعة السومو اليابانية اللي لأول مرة اشوفها على الطبيعة .. وفيه منصة للرقصات ومنصات كثيرة للمنافسات بين المشاركين وأهم شي إن المهرجان قدر إنه يستقطب أسماء كبيرة في عالم الطبخ عشان يجون ويقدمون وصفاتهم الجميلة مباشرة قدام الناس اللي حاضرة الكرنفال، ويوم حضرت الكرنفال عملت لقاء سريع مع “نيك كرايج والير Nick Craig Waller”، رئيس التسويق في إدارة المعارض والفعاليات في مركز دبي التجاري العالمي  لمجلة “هي” بمقال بعنوان : “دبي تحتفي بأطايب الطعام في “كرنفال دبي للمأكولات” بنسخته الأولى“.

واللي أقدر أقول إن أكثر كورنر لفت نظري من جد هو Ghaf Kitchen  السيارة القديمة الفنتج والديكور اللي حوله من براميل برتقالية عامله شغل .. ويالتها جت على الديكور بس إلا ذقت عندهم ساندويتش سمك بصلصة التارتار لين الحين طعمها في فمي .. من جد yummy.

وكمان اللي كان من جد مميز ديكوره Mellow Yellow ولانه فاتحة وظريفة وتغليف الساندويتشات جميل وطلبت سلطة وكانت بالفعل مذاقها مميز، وكمان فيه She Burgers واللي صاحبة المشروع مواطنة اسمها شيخة .. ما شاء الله عليها .. وما شاء الله على البرجر اللي تقدمه مره مميز أنا جربت Gone in 60 seconds .. واستمتعت بمذاقه.

ما أقدر أضيف إلا إن المكان جميل وكتكوت ومنظم تنظيم رائع والمناسبة جداً حلوة وأتمنى تكرارها مو بس مرة وحده في السنة ياليت لو مرتين أو ثلاث .. لأنها توسع الصدر مره وتغيير وفي الهواء الطلق المنعش اللي خلانا نقعد من بعد الظهر إلين المساء.

الوسوم

مقالات ذات صلة