تغطية المطاعم

غداء في الهواء الطلق في فندق ويستن دبي

أمس الظهر نصينا فندق ويستن في دبي اللي في منطقة المارينا عشان نتغدا فيه.. تدرون إن لي الحين 4 سنين وأنا تقريبا ساكنه في دبي وعمري ما رحت له !!! ولا ومن قبل يعني من عام 1998 وأنا دايمة التردد على دبي يعني تقدرون تقولون فيه أماكن كثيره في دبي مارحت لها رغم إني من اللي من زمان يخبرونها لأن السمة الدائمة فيني هي التردد على نفس الأماكن ولكم مع قراراتي الجديدة والمهمة في عام 2012 اللي بخليه عام الإكتشافات والإنفتاح على كل ماهو جديد ..

اليوم بكتب لكم عن تجربتي لزيارة هذا الفندق الجميل.. من دخلت الفندق حسيت بأحساس القصور .. ولكن بطريقة أبسط من القصور المبالغ فيها يعني .. وهذا الشي اللي يميزه ويجعله فندق جذاب ..

دخلنا وسألنا عن المطعم اللي فيه بوفيه الغدا قالوا لنا إن اسمه “بلو أورانج” في الطابق السفلي نزلنا بالدرج ولقيناه وفيه بوفيه السلطات وبوفيه الاطباق الرئيسية وقسم للأطباق العربية والهندية وقسم للأطباق الأسيوية وكمان فيه قسم للأكل البحري والبيتزا والباستا و وأخيرا بوفيه الحلويات اللي بالفعل مميز يمكن لأن الشوكولاته فيه كثيره وأنا أحب الشوكولاااا وفيه فوندو 🙂

ونبدأ بأول الصور وهي صور الأطباق اللي أكلتها وبعدين صور كل الفندق

أول طبق هو طبق المقبلات والسلطات من البوفية وكان لذيذ

وهذا الطبق الرئيسي اللي فضلت إني أختار أسماك كع قطعة لحم صغيرة

وهذا كان طبق الحلو ولأني من عشاق الشوكولاته فجاز لي البوفيه حقهم لأن فيه تشكليت بودينغ وكمان فوندو

والختام كان بقهوه امريكانو بس يا ليتني طلبت شاي أخضر عشان اهضم لأني انبشمت من الأكل ههههههههه 🙂

ولا انسى إني اقول إن المشاريب كانت عصير برتقال فريش

 نجي الحين لصور الفندق وهذي الصوره لاسم الفندق مع الحديقة:

وهذا هو الفندق وشكله من الخارج من ناحية البحر

وهذا هو مدخل الفندق

وهذا هو شكل الفندق من جهة الشارع

وهذا اللي فوق مطعم إيطالي

هذا من مقدمة الفندق

ومن هنا ممكن نمارس الرياضات البحرية البنانا والدونتس وغيرها

هذي العربية للآيسكريم

الحلو إن كراسي التشمس على الحشيش 🙂

وكمان كراسي على الرمل

الصور كلها ملتقطة بجهاز آي فون 4 اس – iPhone4S

الوسوم

مقالات ذات صلة