تغطية المطاعم

مقاهي دبي : نيبرز Neighbors .. أكل شهي وقهوة على الأصول

ورجعت أكتب التغطيات في مدوني الحبيبة ( مدونة وين ؟ )، والحمدلله لأني بصراحة أفضل الطريقة الكلاسيكية في مشاركتي معاكم كل شي يعجبني  .. ألا وهي الكتابة واللي أحب إني أعبّر من خلالها .. مثلا اليوم رحت وصحبتي اللطيفة أجرب مقهى أو مطعم جديد توه فاتح في دبي في شارع الوصل قريب من فندق برج العرب.

والمكان الجديد هذا اسمه نيبرز Neighbors، يعني الجيران أو الجيرة .. ومن اسمه واضح إنه مكان لسكان المنطقة أو الناس اللي تحب تجي أماكن مميزة.

وصلنا للمطعم اللي صغير جداً في مساحته ولكن ديكوراته متوظفة بطريقة جميلة بحيث ما يشعر الشخص بضيق المكان .. والسبب أنو الطاولات من الخشب الطبيعي والجدران والأرضيات خراصانة أسمنتية بلونها الطبيعي وهو الرمادي، مع وجود أصيصات متعلقة في السقف زادت من جمال المكان.

ومثل كل المقاهي الجديدة مكان تصليح القهوة بارز مع منصة مخصصة للمخبوزات اليومية.

الديكورات عجبتي وكمان الخدمة لطيفة واكتملت تجربتنا بالأكل اللي كان زين مثلا صحبتي حبوا انهم يفطرون مع انه الساعة كانت فوق 12 الظهر والجميل إن المطعم يوفر فطور على مدار اليوم .. وأنا فضلت إني أتغدى عشان كذا طلبت سلطة الكال مع السلمون المشوي وكانت شهية ومغذية.

أما صحبتي فكانت طلباتهم البيض على الطريقة التركية والبيض بالأفوكادو واللي اسمه بالمنيو (AVOSMASH) .. ومدحوا الأطباق اللي طلبوها .. أما القهوة وهو الشي اللي هم فيه اختصاصيين طعمه بالفعل جميل ..

والختام أترككم مع مع تقييمي لمطعم Neighbors والصور:

الطعام: 7 من 10
المشروبات: 9 من 10
الضيافة: 8 من 10
الجو العام: 8 من 10

مكان لطيف وممكن إني أرجع له مرة ثانية ..

الوسوم

مقالات ذات صلة