من زمان ما رحت أعمل تغطية لمطاعم وخصوصاً إن جدولي مليان بالاشياء الجديدة اللي كل يوم ما شاء الله تفتح في دبي وخارج دبي، ولكن يوم جتني دعوة مطعم صقلية Sicilia، في فندق موفنبيك إبن بطوطة مول، وقبل لا أقبل الدعوة عملت مثل كل أبو دايم أدخل على جوجل وأعمل بحث عشان أتأكد إن هذا المكان يتوافق مع أسلوب حياتي ..

ولقيت إنه مناسب جدا وتوكلت على الله ورحت، ومثل ما تعرفون فندق موفنبيك موقعه مميزة لأنه قريب جداً من إبن بطوطة مول الشهير.

ولأنه فندق 5 نجوم فالخدمة فيه مميزة حاله حال الفنادق من هالفئة، وبعد ما تم استقبالي في الفندق سألت عن المطعم لقيته في الطابق الأرضي قريب من البهو.

ويوم وصلت للمطعم استقبلوني بكل ترحاب وكان وقت الغدا ووعلموني أن فيه إلى جانب القائمة الإعتيادية في قائمة خاصة لغداء العمل.

ولأنه مطعم إيطالي أصيل قلت لازم يكون غداي سمك وعشان كذا كان طبق البداية السلمون المدخن ولأول مرة أشوفه كذا طازج ومطهو بالدخان والطبق الرئيسي سمك السي باس المشوي وطعمة من جدي شهي وأبشركم حليت بالتيراميسو اللذيذ.

حبيت الأكل مره لاللي يعده الشيف الإيطالي ستيفانو اللي طل علي وسألني عن الأكل وقلت له بكل صدق .. جداً جميل والأجمل إنه على الطريقة التقليدية وأكيد إن شاء الله بكرر التجربة مرات قادمة وأكثر لأني من تالي صرت أفكر بأني ما أتبع موضة إتجاه جديد في الأكل، لأن بالذات الأكل نقدر نقول أنو المذاق يأتي أولا وأخيراً.

ووتقدرون تشوفون كمان الفيديو اللي رفعته على حسابي على يوتيوب من تغطيتي السنابيه على حساب سناب شات وبالتفاصيل: