من فترة رحت لمطعم ستيكي اللي موجود في بوليفارد محمد بن راشد اللي هو من أجمل شوارع دبي إذا مو العالم كمان، ومطعم ستيكي موقعه جداً مميز قبال فندق فيدا.

الديكورات في المطعم تتميز بأنها يغلب عليها الطابع الخشبي اللي ماخذة طابع الكونتري نظراً لنوعية الطعام اللي يقدمه وهو اللحوم المشوية والبرجر والستيك وأكيد المقبلات والسلطات والحلويات.

والحلو انو المطبخ يطل على المطعم وهذي هي الطريقة الجديدة اللي كثير من المطاعم تعتمدها عشان يكون المطعم أكثر حيوية.

في البداية الإستقبال جميل من النادل اللي خلانا نختار الطاولة اللي ودنا فيها لأننا جينا في وقت مبكر وفي يوم من أيام الأسبوع مش خميس وجمعة فكان المكان مش مزدحم، لأني قد مره رحت له وكان زحمة وإضطرينا ننتضر عشر دقايق لين ما جهزوا لنا طاول.

طلباتنا كانت كالآتي السلطة وهي متوفرة في البوفيه وكمان الشوربة وبعدين طلبنا بلاتر المقبلات اللي يضم ثلاث أنواع مختلفة وأخيرا أنا طلبت فيليه ( وطلبته مستوي ) وصحبتي طلبت برجر وأخيرا حلينا بالبراوني الساخن وعليه ايسكريم فانيليا، الأطباق كلها شهية ولذيذة.

تجربة جميلة استمتعت فيها وطال فينا الحديث وقعدنا في المطعم حول الـ 3 ساعات ما حسينا بالوقت لأن المكان لطيف وظريف

وصورت التجربة كاملة في سناب شات ( wainblog ) بالفيديو وتقدرون تشوفونها في يوتيوب من خلال هذا الرابط: youtu.be/4aPT035AVvI

وأترككم مع الصور اللي إلتقطتها للمطعم:

Steaky2

Steaky3

Steaky4

Steaky5

Steaky6

Steaky7

Steaky8

Steaky9

Steaky10

Steaky11

وكمان عندهم هالعرض:

Steaky