من الأماكن الجميلة اللي إكتشفتها مؤخراً وعرفت كمان إنها تقدم وجبة الفطور في دبي .. مطعم ” سوهو غريل SOHO GRILL ” اللي موجود في عدة أماكن بس أنا فضلت إني أروح فرعهم الجديد في شارع الشيخ زايد وقريب من فندق دوسيت ثاني ودبي مول.
ديكورات فرع شارع الشسخ زادي جميلة وعصرية وهي من الديكورات اللي تعجبني في المطاعم يعني يغلب عليها الخشب والحديد بمنتهى الإنسجام، والمطعم يتكون من طابقين والطابق الثاني هادي وصاد.
وكمان عندهم جلسة خارجية، وطبعا في الأجواء الجميلة هاليومين في دبي كان لابد لنا من الجلوس فيها وكل شوي يمر من فوقنا مترو دبي يوسع صدورنا وبغيت أصوره بس كان سريع وما قدرت ..
أما عن الفطو فجربنا الأومليت مع إختياراتنا اللي نحبها وإخترنا الجبنة والمشروم والطماطم والبصل وطعمة من جد لذيذ وخفيف، وكمان جربت البانكيك بالموز المكرمل مميز ولذيذ، وكمان جربنا طبق جامد جداً وهو عبارة عن كيكة المفن وعليه البولبيري والكريم طعم يستحق التجربة بالفعل.
ولا يهون العصير اللي كمان لذيذ واسمه OMG فيتامين C عبارة عن عصير خيار مع البرتقال والزنجبيل.
التجربة جميلة جداً واستمتع في كل لحظة من لحظاتها وأفطار رائع في مكان مميز .. أنصحكم إنكم تجربون فطور سوهو غريل لأنه غير ..
وأترككم الحين مع الصور الوافية والكافية للمكان والطعام:
