تغطية المطاعم

مطعم ” Mo’s “ أكل أمريكي شهي في سيتي ووك دبي

الأسبوع الماضي رحت لمنطقة الـ ” سيتي ووك CityWalk  ” الجميلة، ومن المطاعم اللي إخترتها للعشاء كان المطعم الأمريكي ” Mo’s “، وهو معروف لأن المجموعة المالكة للمطعم هي نفسها اللي تملك مطعم كاراميل اللي في مركز دبي المالي العالمي DIFC وكمان كراميل اللي توه فاتح في أبوظبي واللي جربته قبل فترة وكتبت عن تجربتي فيه في موضوع في مجلة هي بعنوان ” مطعم “كراميل Caramel” في أبوظبي .. أجواء مسائية ممتعة “.

أنتم عارفيني أحب الأكل الأمريكي والبرجر وكيف عاد لين جا مكان زين يقدم برجر وأكل أمريكي بالله عليكم كيف عاد ؟ وكيف عاد لين صار في موقع جميل جداً مثل السيتي وود؟ وبإطلالة حلوة على برج خليفة أعلى بناية في العالم، ووش تبوني أقول بعد زياده !

ومثله مثل كل المطاعم الراقية تم إستقبالنا بكل ودية وترحيب عند دخولنا وبعدها اخترنا طاولة جنب الشبابيك الزجاجية منها نشوف الرايح والجاي ومنها نكون في التكييف، الديكور في المطعم عصرية وجذابة وفيه منصة كبيرة لتحضير العصائر والمشروبات الساخنة والألوان تميل على البني لأن الديكور أصلاً خشبي غامق.

قائمة الطعام كبيرة ومتنوعة أنا طلبت شوربة الذرة طعمها لذيذ وهي بحد ذاتها وجبة لأنه ثخينة كأنها هريسة بس من جد طعمها شهي وبعدها طلبت نص دجاجة مشوية .. اللي يحب دجاج شواية يجربها لأنها متبلة بتوابل زينة وطعمها زين .. أنا عن نفسي مرة عجبني اللي طلبته وكمان صحبتي طلبت سلطة كينوا وهمبرجر ومرة جاز لها، أنا عاد تخبرون كان لابد من الهجمة بملعقة على السلطة .. وهم أصلن طريقتهم زينة كل شي مشاركة مثل كارميل.

بس يوم جا وقت الحلا ما قدرت أطلب لأن ماكان فيه مكان الكميرة كبيرة وتوسع الصدر، بس أنا قدر  جيت للمكعم من قبل أكثر من مرة وجربت البراونيز عندهم كان لذيذ وكميته زينه.

والجميل كمان إن عندهم عروض حلوة مثلاُ يوم الأحد الأطفال اللي تحت 11 سنة ياكلون مع أهلهم مجاناً.

والعرض الثاني على الحلويات من يوم الأحد إلين الأربعاء من الساعة 3 العصر إلين الساعة 7 المغرب يكون أي طبق حلويات عليه خصم 50%.

وكمان عندهم الطلبات الخاريجية بس هم ما يعملون توصيل، يعني نطلب أي طبق ونجي ناخده من المواقف الخلفية للسيتي ووك.

تجربة جميلة واستمتعت فيها وأنصح كل أحد في دبي إنه يروح يتمشى في السيتي ووكويتعشى في Mo’s.

وأترككم مع الصور اللي شكشكتها للأطباق والمطعم ..

mos-citywalk-dubai2 mos-citywalk-dubai3 mos-citywalk-dubai4 mos-citywalk-dubai5 mos-citywalk-dubai6 mos-citywalk-dubai7 mos-citywalk-dubai8

الوسوم

مقالات ذات صلة