البارح رحنا تعشينا في مطعم ما له فتره بسيطة فاتح في ابن بطوطه مول في دبي، المطعم يلفت النظر له من المرور جنبه لأن ديكوره عصري و وألوانه فاتحه وإن كان اللون الأبرز هو الأحمر اللي نفس شعار المطعم.

الضيافة جميلة في المطعم والإستقبال كمان جميل جداً، في البداية أعطونا المينيو بميني آي باد مع الصور .. وبصراحة الصورتجيب العافية واخترنا وش نطلب لأن القائمة متنوعة بكل المأكولات البحرية اللي يتميز فيها المطعم.

كانت طلباتنا متنوعة بين تاكو السمك ومع الحيرة كان لازم نسأل الغرسون وش أحسن شي عدكم وبصراحة ما قصر قال لنا سلطة التونه وكريات البطاطا الحلوة مع صوص الطماطم والمخلل المقلي مع الصوص الأبيض وطلبنا كمان السمك اليومي وكان مره لذيذ يجي معاه سلطة ورز أبيض وسمك السلمون المشوي و ساندويتش السمك المقلي ومن الأطباق الجانبية طلبنا سلطة الملفوف والخضراوات السوتيه.

وبعدين للحلا طلبنا كيكة الشوكولاته في الجار وآيسكريم الأفوكادو ..

الأكل في المطعم مرة شهي والحلويات لذيذة .. الأجمل الأسعار المناسبة جداً للأسماك والمأكولات البحرية.

استمتعنا بالعشاء مرة وبصراحو انصح فيه بشدة .. وأترككم مع الصور: