رحت من فترة أجرب مطعم “الخطّار” يقدم الأطباق الإماراتية والعربية .. ديكور المكان جذّاب ويمتاز بوجود أماكن مخصصة للجلوس على الأرض عشان يعطينا الإحساس كأننا في بيوتنا .. وكمان فيه أمان معزولة للراغبين في الخصوصية.

المطعم مكون من طابقين في الطابق الأول كافيه لتقديم العصائر والمشروبات الساخنة أو حتى الطعام أما الطابق العلوي فهو المكان المخصص للطعام بوجود الكثير من الطاولات والجلسات.

وبما إننا في شهر رمضان الفضيل وسبحان الله في هذا الشهر نستطيب الأكل العربي أكثر أي نوع أكل آخر وعشان كذا مطعم ” الخطار “خيار جميل جداً وخصوصاً إن عندهم الأطباق الإماراتية والعربية والشرقية.

في البداية يتم تقديم لبنة بالخلطة الخاصة مع الخبز المقرمش كضيافة جميلة جداً بالأطباق التقليدية، وبعدين حنا طلبنا من القائمة برياني الربيان طعمة شهي جداً وطلبنا سلطة الجرجير وكانت جميلة جداً وطلبت مرقوق وكنت أحسب إنه مثل مرقوق السعودية .. طلع اللي مثل مرقوقنا اسمه ثريد .. أما المرقوق هم يعملونه بالخبز .. طعمه زين بس انا أفضل المرقوق اللي الخبز يكون مرقوق مخصوص للطبق مو خبز جاهز بس مرق المرقوق طعمه زين .. وعشان كذا لي روحة ثانية للمطعم عشان أجرب الثريد.

تجربتي جميلة في المطعم والخدمة ظريفة، والأجمل إنهم يقومون بخدمة التوصيل لكل مناطق دبي بالإضافة إلى استعدادهم لعمل اللولائم.

المطعم في منطقة أبو الهيل وقريب جداً من مركز أبو الهيل الشهر لبيع العبايات.