من الأماكن الجميلة في أبوظبي .. مركز الغاليريا واللي موجود في مربعة الصوة في جزيرة الماريه .. وهي الجزيرة اللي بيكون لها شأن كبير بسبب البنية التحتية المخطط لها إنها تكون مركز للأعمال والتسوق الراقي.

و والجميل في هاليومين يقام إحتفال بالطعام .. إبتداء من 1 يونيو وإلى 27 يونيو وهو شهر مخصص للمطاعم الموجودة في الغاليريا وفي فندق الروزود واللي بيضم أشياء كثيرة منها إن مطاعم الغاليريا بتعمل قوائم طعام مخصوصة لهذا الشهر وكمان بيكون فيه عروض على الوجبات بالإضافة إلى إن بتكون فيه حصص تدريبة على الطبخ في بعض المطاعم.

البارح سمحت لي الفرصة إني أروح واجرب “أمبوريو ارماني كافيه” وكمان أجرب “سوشي آرت” .. المذاق رائع في قهوة أمبوريو أرماني،  والسوشي لا يعلو عليه  في سوشي آرت.. عشره على عشره .. اللي يحب السوشي والماكي لا يفوت تجربته.

ومو بس المطاعم اللي تميّز هذا المركز الرائع اللي له إطلالة على البحر وفيه متاجر وبوتيكات راقية ومتنوعة .. تجعل من تجربة التسوق في الغاليريا متعة بحد ذاتها.

من جد البارح إستمتعت بترجبة الطعام في شهر المطاعم وكمان إستمتعت بالتسوف في هذا المركز الراقي، وأنصح الجميع إنهم يحرصون على هالفرصة الجميلة اللي يقدمها لنا مركز الغاليريا.

وحبيت اقول إن فيه ركن حاطين فيه مجسم لجزيرة المارية مع شاشة توضيحية للمشروع كيف بيكون عند إكتمالة .. شي مذهل و رائع جداً.