دايم إذا جا في بالنا نتعشى نفكر في  3 أماكن في دبي وهي منطقة “دبي الجديدة” واللي تضم مرسى دبي والنخلة جميرا  أو منطقة “مدينة جميرا” وأخيرا وليس آخر منطقة “وسط دبي” اللي تنبض بالحياة وهالمرة وقع إختيارنا على مطعم “أوربانو urbano” الإيطالي اللي موجود في سوق البحار واللي كمان تابع لمجموعة جميرا للضيافة .. وأكون معكم صادقة .. دايم مطاعم مجموعة جميرا أما تكون فخمة أو تكون أنيقة مثل مطعم “أوربانو urbano”.

الأجواء في المطعم جميلة جداً والتراس المطل على نافورة دبي ولا أروع .. وكمان ديكوراته الداخلية عصرية وجذابة وألوانه مريحة للعين، ويتوسط المطعم بار من رخام الكرارا الأبيض أعطى شكل جميل وهو مخصص لعمل العصائر والمشروبات الساخنة.

الأكل لا يقل جمال عن المكان، في البداية طلبت سلطة الشمندر بجبنة الفيتا .. وكان طعمها لذيذ .. وبعدين طلبت مكرونة بالربيان مع الصوص الحار الشهي.

تجربتي في المطعم جميلة وأنصح فيه بصراحة لأنه من المطاعم اللي تتكرر الزياره له بسبب إحتواءه على هذي المقومات  .. جلسه حلوة وأكل لذيذ وخدمة جيدة..

urbano3

urbano2