تغطية المطاعم

مطعم ( ذا هامبتونز كافيه The Hamptons Cafe ) في شارع جميرا دبي .. أجمل من الجمال !

البارح رحنا تغدينا في مطعم جديد توه فاتح في شارع جميرا في منطقة جميرا 3 في دبي اسمه ( ذا هامبتونز كافيه The Hamptons Cafe ) .. المكان مو عادي أبد .. عبارة عن فيلا مكونة من 3 طوابق والثالث على سطح مفتوح وبإطلالة جميلة على البحر وعلى برج خليفة ..

بس الحين السطح واللي باين إنه بيكون مره سالفه، ما فتح ويوم سألت الغرسون قال لنا إنهم بيفتتحونه بكره الخميس إن شاء الله .. وكمان عند المدخل فيه حديقة جميلة مجرد إضافة جمالية للشكل الخارجي للفيلا.

الديكورات مره جميلة .. الأبيض والألوان الترابية الفاتحة مره مره مره عجبتني .. لأني أحب هالستايل مره .. و المكان بصراحة يوسّع الصدر والأغاني اللي حاطينا تجيب العافية .. بإختصار أجواء نيويوركية راقية في دبي .

نجي عاد للأكل اللي هو حكايه كمان .. أنا طلبت طجين وكان مرة لذيذ وصحبتي طلبوا دجاج وفطيرة الراعي بالسمك وكلهم مدحوا أطباقهم مره.

وأخيرا وليس آخراً .. الخدمة 5 نجوم، والمكان جداً مميز وأنصح فيه بشده .. لانه هذا كونسبت جديد وقليل في دبي إنه يكون مطعم على طابع بيت ومن 3 طوابق وسطح مكشوف! وكمان هم عاملين إضافة جميلة بإنهم رازين سيارة كلاسيكية أمام الباب للفت النظر ..

وإن شاء الله المرة الجاية بروح أجرب الحلويات مع القهوة .. لان أظنها ما تتفوّت.. وكمان لان المكان مريح وهادي وينتتكا فيه وذكرنّي بمطاعم اليونان وتركيا..

وشوفو ألبوم الصور وأحكموا بأنفسكم ..

The-Hamptons-Cafe-Dubai16
هذا الحمام أعزكم الله متفننين فيه
وذي صورة للسطح اللي بيفتتحونه بكره
وذي صورة للسطح اللي بيفتتحونه بكره
الوسوم

مقالات ذات صلة