خلال الأسبوع الماضي قمت بزيارة حديقة واللي قد  أفتتحت العام الماضي في دبي بس ما جتني فرصة أزورها العام الماضي لكن هذي السنة عزّمت وقلت لازم أزورها والحمد الله إني زرتها لأنها مره مره مره جميلة وكمان لأنها ما تفتح إلا في فترة الشتاء بالصيف تقفل عشان الحر وكمان الأزهار ما أظنها بتتحمل الشمس.

الحديقة تقع إمتداد شارع أم سقيم شرق يعني بالإتجاه اللي عكس البحر بالضبط في منطقة اسمها دبي لاند اللي من ضمنها أشياء كثيرة حلوه مثل القرية العالمية والبراري وغيرها..

رسم الدخول للحديقة 20 درهم وفيه مواقف مدفوعة وتنقسم لإثنين القريبة بخمسين درهم والبعيده بثلاثين درهم .. وتتوفر كمان مواقف مجانية وتتوفر في الحديقة اكشاك تبيع السندويتشات والوجبات السناك والعصائر والمشروبات والآي سكريم.

هذي كانت المعلومات عن الحديقة اللي من جد تبعث البهجه في النفس لأنها عجيبة فعلاً والزهور توسع الصدر أنصحكم بشده إنكم تزورونها وتعيشون اللحظة الجميلة بين الورود والألوان المتنوعة والرائحة العطرة .. بس يُنصح بعدم زيارتها في يوم الجمعة أو الويد إن لأن بتكون زحمة .. يعني خلال الأسبوع يكون أحسن .. أنا رحت لها خلال أيام الأسبوع وكانت رايقة وجميلة جداً .. ومره إستمتعت.

وإتفرجوا على الصور لأن وش ما قلت ما أقدر أوصل لكم كيف هي جميلة الحديقة.