وأنا أتمشى كعادتي في بوليفارد محمد بن راشد في وسط مدينة دبي لاحظت مجموعة من الدراجات اللي سايقينها وهم واقفين ،، وسآلتهم من وين أقدر أحجز لرحلة مماثله ..  قالو لي من فيدا هوتيل.

على طول توجهت للأوتيل وسألت الكونسييرج عنها وعطاني رقم المسئول عن الحجز وعاد أنا قلت بتصل بسأل عن المواعيد والأوقات وعن الأسعار كمان .. بس هالأسبوع كان حافل وعندي كم شغله أسويها قلت الأسبوع الجاي إن شاء الله بجربها وكوني لين الحين ما جربتها قلت بسألكم .. إذا فيه أحد قد جربها يقول لنا كيف هي الرحلة..

و أنا بعدين لين جربتها علمتكم .. بس ودي أعرف هي كيف؟ .. أتوقع إنهم يفرفرون فينا في منطقة وسط دبي على أرصفتها الرائعة .. وأتوقع إنها بتكون رحلة ممتعة.